Almaty ákimi Baýyrjan Baıbek Elbasynyń tapsyrmasy boıynsha 2017 jyldyń qalada «Jastar jyly» bolyp jarıalanǵanyn aıtty. Jastar ómirin tereń zertteý barysynda naqtyly resýrs kózderine negizdelgen ári naqtyly sharalardy qamtyǵan alǵashqy «2020 jylǵa deıin jastardy qoldaýdyń qalalyq Jol kartasy» qabyldandy.
«Biz qashanda jastar- Qazaqstannyń bolashaǵy, elimizdi damytýdyń qozǵaýshy kúshi dep aıtamyz. Táýelsizdigimizdiń eren jetistikteri, Elbasy eńbeginiń jemisi jastardyń qolynda. Sondyqtan Memleket basshysy óz saıasatynyń basty máni jastarǵa qamqorlyq ekenin únemi aıtyp keledi. Bilim, jumys, turǵyn úı,demalys. Osynaý mańyzdy máselelerdi durys sheshý jas azamattardy qoldap qana qoımaı, olardyń qalyptasýyna oıdaǵydaı yqpal etedi. Bizdiń basty mindetimiz – jastardyń óz múddeleri men áleýetterin júzege asyrýlaryna jaǵdaı jasaý», -dedi B.Baıbek.
Almaty ákimi Memleket basshysynyń jastarǵa qoldaý kórsetý jónindegi tapsyrmasyn oryndaý barysynda jastar úshin tıimdi ınfraqurylymnyń paıda bolǵanyn, naqtyly sharalardyń iske asqanyn aıtty.
Mysaly, «Rýhanı Jańǵyrý» baǵdarlamasy aıasynda «bir tereze» qaǵıdasy boıynsha jumys isteıtin ári karerany, eriktilerdi, jataqhana kýratorlyǵyn, qalaǵa kelgen jastarmen jumys júrgizýdi qamtyǵan Loft- ortalyqtyń alǵashqy kezegi ashyldy.
Karera ortalyǵy komýnıkasıalyq kanalǵa aınaldy, jastar odan qaladaǵy bos jumys oryndary týraly aqparat alyp, sonyń arqasynda búgingi kúni 8 myńnan astam adam jumysqa tartyldy. 2,5 myń jas tehnıkalyq jáne kásibı tegin bilim alýda, taǵy 3 myń jas qajet amamandyqtar boıynsha qysqa merzimdi kýrstarǵa qatysýda.
2017 jyly pılotty rejımde «Almaty jastary» turǵyn úı baǵdarlamasy qolǵa alyndy, ony júzege asyrýǵa jergilikti búdjetten 1 mlrd. teńge bólindi.35 jasqa deıingi almatylyqtar páter alý úshin jeńil zaóm alýyna bolady. Búgingi kúni 6,6 myńnan astam ótinim túsken. Jyl aıaǵyna deıin jas otbasylarǵa 100 páter kiltin tapsyrý josparlanǵan.
Jataqhanalar jetispeýshiligin eskere otyryp «Almaty» ÁKK UK» AQ-nyń qarjylandyrýymen jataqhana salynady. Búgingi kúni birqatar JOO-men, jeke kásipkerlermen yntymaqtastyq týraly memorandýmǵa qol qoıyldy. «Rýhanı Jańǵyrý» baǵdarlamasy aıasynda 2000 oryndy 4 jataqhana qurylysy aıaqtalyp qaldy. Keler jyldan bastap 2,4 myń oryndy taǵy eki jataqhana qurylysy bastalady.
Almaty ákimi jastardy qoldaýdyń Jol kartasy barysynda jastardy beıimdeýge aıryqsha mán berilgendigin aıtty. Mysaly, ózge óńirlerden qalaǵa kelgen jastar ıntegrasıaǵa ushyraıdy. Qazirgi kezde beıimdeý jumysymen Loft- ortalyq, aýdandyq ortalyqtar aınalysýda. «Dúısenbilik Fýtbol» jobasy ıgi nátıje berýde, bıyl buǵan qalanyń 52 bazarynda jumys isteıtin jastardyń 40 komandasy qatysty.
Baýyrjan Baıbek óziniń sózinde bıylǵy jyldyń jastarǵa arnalǵanyn, qalada qoldaý men aıryqsha nazardy qajet etetin ózge de azamattardyń bar ekenin, sondyqtan qala bıliginiń kúsh-jigeri aǵa urpaqty qoldaýǵa jumsalatynyn atap ótti.
Jastar forýmy aıasynda «JASTAR JALYNY» syılyǵynyń júldegerlerin marapattaý rásimi ótti
Sonymen, «Volonterler lıgasy» QQ-nyń tóraǵasy Ázız Qajdenbek «Jyl volonteri», «RUMI GROUP» basqarýshy seriktesi Qýanysh Shońbaı «Jas kásipker» nomınasıalary boıynsha jeńimpaz atandy.
Jyl sportshysy Jansaıa Ábdimálik «Sport sańlaǵy» syılyǵyn ıelendi. Halyqaralyq bıznes ýnıversıtetiniń áleýmettik damý boıynsha prorektory Qaıyrjan Meńdiǵalıev úzdik «Jas tálimger» atandy.Bostandyq aýdany HQKO-nyń qujattar qabyldaý boıynsha mamany Irına Kýharskaıa «El qyzmetshisi» marapatyna ıe boldy.
«Meıirimdi júrek» nomınasıasy «Qaıyrymdy jandar» eriktiler tobyn qurýshy Aıdyn Toqsanbaevqa buıyrdy. Jyl belsendisi retinde «Belsendi jas» syılyǵyn «G38» klýbynyń jetekshisi Aısýlý Ernıazova aldy.
«Shabyt» nomınasıasy boıynsha dızaıner, sýretshi Krıstına Depýtatova jeńimpaz atandy Aıan Qalmurat «Belsendi bloger» ataýyna ıe boldy.«Jas Otbasy» syılyǵy «Jastar úni» birlestiginiń basshysy Dáýren Babamuratovqa berildi.
