Almaty qalasynyń Tilderdi damytý basqarmasy Almaty qalasy ákimdiginiń 2017 jylǵy 18 mamyrdaǵy № 2/163 «Qazaqstan Respýblıkasynda tilderdi damytý men qoldanýdyń 2011 - 2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2016-2019 jyldarǵa arnalǵan is-sharalar josparyn bekitý týraly» qaýlysyn júzege asyrý maqsatynda jáne Basqarmanyń 2017 jylǵa arnalǵan josparyna sáıkes «Rýhanı jańǵyrý» baǵdarlamasy aıasynda QR Táýelsizdik kúnine oraı án salý, terme aıtý, kórkemsóz oqý sheberligin ıgergen 18 jastan asqan azamattar arasynda 2017 jyly 8 jeltoqsanda saǵat 14.00-de «Ana tilim - án-jyrym» atty qalalyq baıqaýyn ótkizdi, dep habarlaıdy Qamshy.kz aqparat agenttigi.
Atalmysh baıqaýdyń baıqaýdyń maqsat-mindetteri tómendegideı boldy:
Qazaq tiliniń qoldanylýyn damytý, memlekettik til saıasatyn nasıhattaý, daryndy jastarǵa qoldaý kórsetý. Táýelsiz Qazaqstannyń qol jetkizgen tabystaryn nasıhattaý, qazaqstandyq rýhanı birlikti nyǵaıtý jáne otansúıgishtik sezimdi tárbıeleý, kópshiliktiń qazaqtyń ulttyq mádenıeti men ónerine, ádebıeti men tiline degen yqylasyn arttyrý.
«Ana tilim - án-jyrym» atty qalalyq baıqaýy kelesi sharttar boıynsha ótkizilgen bolatyn: Baıqaý án, terme, kórkemsóz janryndaǵy «Sulý sazdy ásem án», «Tolǵaýy tereń jyr-terme», «Maǵynaly oıly kórkemsóz» atty úsh nomınasıa boıynsha ótkiziledi. Qatysýshylar Otan, týǵan jer, qazaq eli, ana tili, ulttyq rýh, Táýelsizdik, sáıkes «Rýhanı jańǵyrý», tatýlyq pen yntymaqtastyq taqyrybyndaǵy shyǵarmalardy tańdaýy tıis. Oryndalatyn shyǵarma kólemi 3-5 mınýttan aspaýy kerek. Án salǵanda daýysy jazylǵan daıyn fonogramlardy paıdalanýǵa tyıym salynady, tek mınýs túrindegi daıyn fonogramny qoldanýǵa ruqsat etiledi. Sonymen qatar, belgisiz avtorlardyń kórkemdigi tómen shyǵarmalaryn oryndaýǵa tyıym salyndy.
Baıqaýǵa qatysýshylardyń ónerin baǵalaý kezinde olardyń án salý, terme aıtý, dombyra tartý, kórkem mátindi oqý sheberligine, daýys mánerine jáne til tazalyǵyna, shyǵarmany mátindi tańdaý talǵamyna, sahnada ózin-ózi ustaýyna, kıim sánine basa nazar aýdarylǵan bolatyn.
Baıqaýdyń nátıjesine baılanysty júldegerlerge ár nomınasıa boıynsha jeńimpaz jáne júldeger atanǵan ónerpazdarǵa tıisti dıplomdar men baǵaly syılyqtar, qatysýshylarǵa alǵys hattar men estelik syılyqtar tapsyryldy.
