Almatynyń Qalaqurylysy keńesinde birqatar jańa jobalar bekitildi, ıaǵnı 276,8 myń sharshy metr turǵyn úı, 6,7 myń sharshy metr kólik turaǵy, alty mektep jasyna deıingi balalar mekemeleri men jeke mektep salynady, jalpy alańy 3,6 ga bolatyn eki jer ýchaskesi qalanyń komýnaldy menshigine beriledi. Jalpy, jańa nysandar salynǵanda 27,5 ga jer ıgeriledi, onyń 10,6 gektary jasyldandyrylady. Qurylys kezinde 4,5 myń jumys orny qurylady.
Mysaly, Naýryzbaı aýdanyndaǵy «Shuǵyla» yqsham eldi mekeninde salynatyn 16 qabatty turǵyn úıdiń jobasy bekitildi.1026 oryndy kópdeńgeıli parkıng salý qarastyrylǵan. Bıznestiń áleýmettik jaýapkershiligi aıasynda qurylysty júrgizýshi bala baqshasyn salý úshin 0,6 ga jerdi qalanyń komýnaldy menshigine ótkizedi.
Óz kezeginde Alataý aýdanynyń «Ójet» eldi mekeninde bes jáne jeti qabatty turǵyn úıler salynady. Osy aýmaqta 100 jáne 150 oryndy eki bala baqsha salý jobalanǵan, sonymen qatar úshdeńgeıli aýla turaqtary bolady. Rekreasıalyq alań retinde skverli býlvar qarastyrylǵan.
Qalanyń Bostandyq aýdanynda 360 oqýshyǵa arnalǵan halyqaralyq jalpy bilim beretin mektep jáne 120 oryndy bala baqsha boı kóteredi. Ǵımarat eki bloktan turady, olar ózara galereıamen jalǵasady. Mektep aýmaǵynda balalardyń oıyn jáne sport alańdary, baseın, jarystar ótetin sport jazyqtar qarastyrylǵan.
Osy aımaqta Ál-Farabı, Seıfýllın, Markov, Popova kósheleri boıynda «jasyl» standarty boıynsha turǵyn úı paıda bolady. Ár qabat ekologıalyq taza materıaldardan jasalady, iske qosylǵanda joǵary energıalyq tıimdilkke qol jetedi, terrastarǵa aǵash otyrǵyzylady. Munda birinshi qabatta kommerıalyq nysandar, 350 oryndy eki bala baqsha men jer asty parkıng bolady. Qurylystyń bitý merzimi– 4 jyl.
Budan ózge, Bostandyq aýdanynda salynatyn eki kópqabatty turǵyn úılerdiń jobalary bekitildi. Keshen bes úıden, bala baqshadan, jer asty parkıngten, Buhar jyraý býlvarynyń soltústigine qaraı, Esentaı ózeniniń shyǵysyna qaraı boı kóteretin komersıalyq nysannan turady. Gagarın - Berezovskıı - Radostoves - Korolenko kósheleriniń aýmaǵyna salynatyn túrli seksıalary, jer asty parkıngi, komersıalyq nysandary bar bes kópqabatty keshenniń jobasy da bekitildi.
Áýezov aýdanyndaǵy Teplıchnaıa kóshesiniń boıyna jer asty parkıngi, komersıalyq nasyndary bar 12 qabatty alty turǵyn kesheni salynady.
Aıta kterligi, jobalardy qaraǵan kezde energıalyq tıimdi ári sapaly materıaldardy paıdalanýǵa, syrtqy árleý jumystaryn talapqa saı júrgizýge, ǵımarattardy túnde jaryq kózderimen nurlandyrýǵa, shekteýli jandar úshin jaǵdaı jasaýǵa, kólik júktemesine, aýlalardy abattandyrýǵa aıryqsha nazar aýdarylady.
