1991 jyldyń 10 jeltoqsanynda Qazaq KSR Joǵarǵy Keńesi «Qazaq Keńestik Sosıalısik Respýblıkasynyń ataýyn ózgertý týraly» Zań qabyldady. Atalǵan qujatqa sáıkes  jańa qurylǵan táýelsiz memleket Qazaqstan Respýblıkasy dep ataldy. Dál osy kúni sodan onshaqty kún buryn ǵana ótken saılaýda halyqtyń 98,8 paıyz daýysyna ıe bolǵan Nursultan Nazarbaevty Memleket basshysy retinde ulyqtaý rásimi ótti.

Saltanatty shara sol kezdegi elimizdiń elordasy Almaty qalasyndaǵy Respýblıka saraıynda uıymdastyryldy. Qazaqstan Prezıdenti ant beretin minbeniń astyna eshkimniń aıaǵy tımegen, eshkim baspaǵan aq kilem tóseldi.

Memleket basshysynyń ıyǵyna shapan jabyldy. Sol tusta jasy 90-nan asqan halyq aqyny Shákir Ábenov bata berip, halqymyzdyń kórnekti qalamgeri, qoǵam qaıratkeri Ábish Kekilbaev tilek aıtty.