Búgin Almatyda «Túrkitildes jýrnalıser qory» QQ uıymdastyrýymen ótken «Erkin sóz» shyǵarmashylyq baıqaýynyń qorytyndysy shyqty, dep jazady qamshy.kz. Jýrnalıserdiń shyǵarmashylyq áleýetin ashý jáne jýrnalıser qaýymyn yntalandyrý maqsatynda qolǵa alynǵan baıqaý  qarjylyq (Qazaqstan Táýelsizdik alǵaly beri 26 jylda qarjy salasynda qol jetkizgen jetistikteri men problemalary, sheshý joldary, qarjylyq saıasat, ulttyq valúta, bank qyzmeti, nesıeleý t.b.) taqyryptaǵy materıaldardy saralady.

«Halyq toby» bas demeýshilik etken jýrnalıser baıqaýy qazaq tilinde jazatyn jýrnalıser arasynda ótti.  Jýrnalıserge Oǵan jekeleı «Qazaqstan halyq banki», «Kazkommersbank» qarjylyq qoldaý kórsetken. Marapattaýǵa arnalǵan saltanatty keshke jýrnalısermen qosa UNESCO men BUU ókilderi de qatysty. 

Baıqaýdyń uıymdastyrý komıteti bekitken ádilqazylar «Úzdik telesújet», «Úzdik maqala», «Úzdik radıohabar», «Úzdik saıt maqalasy», «Úzdik fotoreportaj», «Úzdik shyǵarmashylyq top» atalatyn 6 nomınasıa boıynsha jeńimpazdardy anyqtady, tolymdy materıal bolmaǵanyna baılanysty «Úzdik fotoreportaj» nomınasıasy boıynsha júlde berilgen joq. Keshti «Túrkitildes jýrnalıser qory» basshysy Nazıa Joıamergenqyzy baıqaýdy uıymdastyrýǵa qoldaý bildirgen uıymdar men jýrnalıserge alǵysyn aıtyp, jýrnalıserdi jeńisimen quttyqtaýymen bastady.

Jýrnalıserdi marapattaý rásiminde sóz alǵan «Halyq bank» PR menedjeri Dosbol Arystanbekov: «Erkin sóz» shyǵarmashylyq baıqaýy respýblıkalyq deńgeıde, elimiz boıynsha barlyq aımaqtardy, barlyq óńirlerdi qamtydy. Tek qana qazaqtildi jýrnalıserge arnalǵan baıqaýǵa tikeleı «Halyq toby» bolyp qoldaý kórsetý biz úshin úlken qurmet desek bolady. 2017 jyly Qazaqstannyń qarjy sektorynda oryn alǵan úlken jańalyq «Halyq tobyna»  «Kazkommersbank» engeni.  «Kazkommersbank» qazirgi kezde burynǵydaı erkin jumys istep otyr. Onyń bir kórinisi osy «Erkin sóz» baıqaýyna tikeleı qoldaý bildirgeni. Baıqaýǵa qatysqan barsha jýrnalıser óz salasynyń kásibı mamandary. Bul saıystyń basty maqsaty jýrnalıserdiń kásibı deńgeıin kóterý. Sondaı-aq osy baıqaýdy uıymdastyrý arqyly elimizdegi barlyq jýrnalıserdiń nazaryn qarjy salasyna burǵymyz keldi», - deıdi.

Al, ádil qazy quramynda bolǵan aǵa býyn jýrnalıs, memleket qaıratkeri Ámirjan Qosanov: «Qarapaıym halyqtyń qarjylyq saýaty tómen" degenge kelispeımin!  Saýatsyz bolsa, osynaý qymbatshylyq jaılaǵan zamanda mardymsyz jalaqy men zeınetaqyny jińishkeni úzbeı, kelesi aıǵa deıin jetkize alar ma edi?!

Mine, sol týraly ashyq ta kásibı túrde jazý kerek. Ol, sózsiz, jýrnalıserdiń mindeti! Bul - alǵashqy baıqaý, Qazylar alqasynyń ókili retinde aıtatynym - qazaq jýrnalıseri kelesi kezeńde osy baıqaýǵa belsendirek qatyssa eken!», - dedi óz sózinde.

«Úzdik telesújet» Astana arnasy tilshisi Erkin Qarınge buıyrsa, «Úzdik maqala» boıynsha júlde «Aıqyn» gazeti tilshisi Abaı Aımaǵambetke, «Úzdik saıt maqalasy» Turaninform.kz saıty bas redaktory Qurmanǵalı Nurǵalıevke berildi. Al, úzdik shyǵarmashylyq top retinde «Qazaqstan» arnasynyń «Parasat maıdany» baǵdarlamasy ujymy atalsa, «Úzdik radıohabar» júldesin Qazaq radıosynan Gúlbaǵysh Bostan aldy. Júldegerlerdiń árqaısysy 150 myń teńge aqshalaı syılyq pen baǵaly estelikter aldy. Sondaı-aq 5 nomınasıa boıynsha da yntalandyrý júldesi tapsyryldy. Telesújetten Ámirbolat Qusaıyn, Úzdik maqaladan Tańsholpan Tarǵyn, Úzdik fotorpeortaj boıynsha Maqsat Qusaıynov yntalandyrý júldesin alyp, baǵaly syılyqtarǵa ıe boldy.

Aıta ketsek baıqaýdy uıymdastyrǵan Túrkitildes jýrnalıser qory osydan 3 jyl buryn 2014 jyly 30 qarashada qurylǵan.

Fotoreportaj: Maqsat Qusaıynov.