Ánshi Aıqyn Tólepbergenniń prodúseri Erik Tastambekov "Gákký" arnasyndaǵy Tımýr Balymbetov júrgizetin "Eslı chestno..." baǵdarlamasynda ánshi men KeshYou tobynyń eks-solısi Juldyz Ómirǵalı kóńil jarastyrdy degen qaýesetterge qatysty pikir bildirdi, - dep habarlaıdy Qamshy.kz aqparat agenttigi Tengrinews.kz-ke silteme jasap.

"Men onymen (Aıqynmen - Avt.) osy taqyrypta áńgimelestim. Men bul jańalyqty tipti odan emes, Baıannan estidim (Maqsatqyzy- Avt.), sosyn men Aıqynǵa telefon soqtym, ol telefonyn kótermedi, keıin telefondy men osy jańalyqty estip qoıǵandyqtan kótermegenin aıtty. Baıan maǵan bylaı dedi: Seniń "balalaryń" meniń jobamdy qurtqany úshin raqmet saǵan". Dáýren Aıdarqulov óte jaqsy jigit, qurmetteımin. Dáýrenniń jaǵdaıy túsinikti, al Baıan maǵan Aıqyn týraly aıtyp jatyr. Men túsinbeı qaldym. Bilesiz be, men olarǵa baǵa bergim kelmeıdi, jaqsy nemese jaman demeımin. Bul olardyń sezimi, óz ómirleri, sondyqtan ózderi budan ótýi tıis. Bul jaǵdaıda neniń durys, al neniń burys ekenin anyqtap beretin ereje joq. Bireý durys deıdi, bireý burys deıdi. Aıqynmen osy jaıly áńgimelestim, oǵan bul jaǵdaıdan eń bolmaǵanda materıaldyq turǵyda eshkim zardap shekpesin degendi, jaýapkershilikti umytpaýy kerektigin aıttym", - dedi Erik Tastambekov. 

 Eske salaıyq, Aıqyn men Juldyz Ómirǵalıdiń qosylǵany jaıly qaýesetter qaznette tarap ketken vıdeodan keıin shyǵa bastaǵan. Bıylǵy mamyrda Aıqynnyń Juldyzdy uzatyp, kóterip alyp bara jatqan sáti túsirgen vıdeo jarıalanǵan. Sodan jurt olardy kóńil qosty, otaý tikti dep boljady. Alaıda Aıqynnyń ózi de, Juldyz Ómirǵalı de bul máselede tis jaryp aıtpady. "Bireýdiń jeke ómirine aralasý durys emes" dep qysqa qaıyrǵan edi ánshi.

Al taıaýda ǵana Juldyz Ómirǵalı eki áıel alýǵa qatysty pikirin aıtqan bolatyn.  Aıtýynsha, bizdiń elde eki áıel alýdy kópshilik qoldamaıdy. "Eki áıeldi ala ma, alyp úlgermeı me, ol jaǵyn bilmeımin. Árkimniń óz tańdaýy bolady. Eki áıel alý degende, biz arab eli emespiz, musylman eli bolsaq ta, ondaı bizde ne prıvetstvýetsá", - degen edi ol.