Túrkıa prezıdenti Rejep Taıyp Erdoǵan Izraıldi terorıstik memleket dep atady. Bul týraly Hurriyet Daily News basylymy habarlady, dep jazady Qamshy.kz aqparat agenttigi.

«Ierýsalım – bizdiń jaryq kózimiz. Ony urlaý-tonaý, basqynshylyqpen aınalysatyn memlekettiń qaramaǵyna qaldyrmaımyz. Zań men demokratıa aıasynda sońyna deıin kúresemiz», - dedi túrik prezıdenti.

Sondaı-aq Erdoǵan palestınalyq narazylyq bildirýshilerge qarsy kúsh qoldanǵan Izraıldi aıyptap, «qanalǵan» halyqty qashan da qoldaıtynyn jetkizdi.

 6 jeltoqsanda AQSH prezıdenti Donald Tramp Ierýsalımdi Izraıldiń astanasy retinde resmı moıyndap, AQSH elshiliginiń sol qalaǵa kóshkenin málimdegen.

Tramptyń atalmysh sheshimine Germanıa kansleri Angela Merkel, Fransıa prezıdenti Emmanýel Makron jáne Ulybrıtanıa premer-mınıstri Tereza Meıdiń narazylyǵyn týdyrdy. Olar Aq úıdiń bul sheshimin qoldamaıtyndaryn jetkizdi.

Ierýsalımde tártipsizdik ornady. Arab belsendileri men Izraıl polıseıleriniń kóterilisinen ondaǵan adam zardap shekti.

Túrkıa, Týnıs, Aýǵanstan, Pákistan, Egıpet, Lıvan, Iran jáne ózge de memleketter Tramptyń sheshimine qarsy shyqty.

BUU Qaýipsizdik keńesi de Aq úıdiń Ierýsalımge qatysty sheshimine qoldaý tanytpady.

Arab memleketteriniń lıgasy Trampty sheshiminen bas tartýǵa shaqyrǵan.