Búgin aımaq basshysy Eraly Toǵjanov aparattyq jıynda oblystyq ishki saıasat basqarmasynyń jańa basshysyn tanystyrdy, dep jazady Qamshy.kz aqparat agenttigi.

Buǵan deıin jarty jyl boıy basqarma basshysynyń orynbasary qyzmetin atqarǵan Jumaǵalı Qurmanbek Jumaǵalıuly endi basqarma basshysy laýazymyna taǵaıyndaldy.

Jumaǵalı Qurmanbek Jumaǵalıuly 1985 jyly 7 tamyzda dúnıege kelgen. 2008 jyly Abaı atyndaǵy Qazaq ulttyq pedagogıkalyq ýnıversıtetin támamdaǵan.

Mass-medıa jáne telemenedjment salasynda 10 jylǵa jýyq tájirıbesi bar.
2004-2007 jyldar aralyǵynda – «Qazaqstan» RTRK» AQ-da baǵdarlamalardyń redaktor – júrgizýshisi;
2007-2013 jyldary «Qazaqstan» RTRK» AQ-nyń aqparattyq baǵdarlamalar Dıreksıasynyń prodúseri, «Habar» agenttigi» AQ qorytyndy jańalyqtar júrgizýshisi;
2013-2014 jyldar aralyǵynda Qaraǵandy oblysy ákimdigi baspasóz qyzmetiniń basshysy, Qaraǵandy oblysy ákiminiń keńesshisi;
2014-2015 jyldary «Qazaqstan» RTRK» AQ-nyń aqparattyq-saraptamalyq baǵdarlamalar Dıreksıasynyń dırektory, «Senbilik kezdesý» tok-shoýynyń júrgizýshisi;
2015 jyly «Qazaqstan» RTRK» AQ aımaqtyq damytý Dıreksıasynyń dırektory;
2016 jyly Qazaqstan halqy Assambleıasynyń Qory QQ dırektory,
2017 jyly «Almaty» telearnasy Bas dırektorynyń birinshi orynbasary qyzmetterin atqarǵan.

Al, 2017 jyldyń mamyr aıynan bastap Mańǵystaý oblystyq ishki saıasat basqarmasy basshysynyń orynbasary qyzmetin atqaryp keldi.