Qazaqstan Respýblıkasynyń Prezıdenti Nursultan Nazarbaev QR Parlamenti Senatyna Qaırat Perneshuly Qojamjarovtyń kandıdatýrasyn Bas prokýror laýazymyna usyndy. Bul týraly Aqordanyń Tvıtterdegi paraqshasy habarlady.
«QR Parlamenti Senaty Bas prokýror laýazymyna usynylǵan Qaırat Perneshuly Qojamjarovtyń kandıdatýrasyn qoldady», delingen habarlamada.
Aıta keteıik, Jaqyp Asanov Qazaqstan Respýblıkasynyń Bas prokýrory qyzmetine 2016 jyldyń 26-sáýirde taǵaıyndalǵan bolatyn.
Qaırat Qojamjarov Taraz qalasynda 1965 jyly 24 naýryzda dúnıege kelgen. A.Jdanov atyndaǵy Lenıngrad memlekettik ýnıversıtetin bitirgen.
1987 jyldan bastap 1995 jylǵa deıin Qazaqstan Respýblıkasy prokýratýrasynyń organdarynda qyzmet etken.
1995 jylǵy qyrkúıekten bastap 1998 jylǵy naýryzǵa deıin keden organdarynda qyzmette bolǵan.
1999 jylǵy shildeden bastap osy ýaqytqa deıin qarjy polısıasy organdarynda qyzmet etti.
Ár túrli laýazymdarda:
2001 jylǵy aqpannan bastap agenttiktiń tergeý basqarmasynyń bastyǵy, 2002 jylǵy aqpannan bastap 2004 jylǵy mamyrǵa deıin Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polısıasy) bastyǵynyń orynbasary, 2004 jylǵy mamyrdan bastap 2007 jylǵy qańtarǵa deıin Aqtóbe oblysy boıynsha Ekonomıkalyq qylmysqa jáne sybaılas jemqorlyqqa qarsy kúres departamenti (qarjy polısıasy) bastyǵy, 2007 jylǵy qańtardan bastap 2008 jylǵy jeltoqsanǵa deıin Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısıasy) tóraǵasynyń orynbasary boldy. 2008 jylǵy jeltoqsan aıynan bastap Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy qyzmetin atqardy.
2012 jylǵy qańtardan - Aqmola oblysynyń ákimi.
2013 jylǵy qańtardan - QR Prezıdentiniń kómekshisi - Qaýipsizdik keńesiniń hatshysy.
2014 jyly tamyz aıynda Sybaılas jemqorlyqqa qarsy is-qımyl ulttyq búrosynyń tóraǵalyǵyna taǵaıyndalǵan. Qarjy polısıasynyń general-maıory. İI dárejeli «Dańq» ordenimen jáne birqatar medaldarmen marapattalǵan.
