Ankarada Túrkıa jáne Reseı prezıdentteriniń kezdesýi ótti, dep jazady Qamshy.kz aqparat agenttigi.

Basshylar eki eldiń yntymaqtastyǵy jóninde sóz qozǵaı kele, saýda baılanysy men Sırıa máselelerin talqylady.

Erdoǵan Reseı men Túrkıa arasyndaǵy saýda aınalymynyń ústimizdegi jyldyń alǵashqy 10 aıynda 30 paıyzǵa artqanyn tilge tıek etti.

Qorǵanys aıasyndaǵy áreketterdi aıta kelip, túrik basshysy apta ishinde eki eldiń ókilderi S-400 zenıtti-zymyrandyq keshendi satyp alý máselesi jóninde kelissózder júrgizetinin málimdedi.

Sondaı-aq, Erdoǵan men Pýtın Sırıadaǵy ahýaldy talqyǵa saldy. Osy baǵyttaǵy kelesi qadam Sochıde ótetini aıtyldy.

Budan bólek Túrkıa prezıdenti Taıaý Shyǵystaǵy jaǵdaıdy da nazardan tys qaldyrmady.

Erdoǵannyń sózine súıensek, Ierýsalımge qatysty máselede Túrkıa men Reseı basshylyǵynyń ustanymdary uqsas keledi. Erdoǵan atalmysh máselege qatysty baılanysty jalǵastyrý týraly sheshim qabyldaǵanyn aıtty.

Onyń aıtýynsha, Izraıl AQSH-tyń sheshimin palestınalyqtarǵa jasalǵan qysym dep túsindi. Oryn alǵan qylmystyq áreketterge jol bermeý kerektigin eskertti.

Óz kezeginde Reseı prezıdenti túrik basshysymen birinshi kezekte Taıaý shyǵys pen Sırıadaǵy janjalǵa qatysty máselelerdi talqyǵa salǵanyn aıtty.

Pýtın AQSH-tyń Ierýsalımdi Izraıldiń astanasy retinde moıyndaý týraly sheshimin turaqsyzdandyrý dep sanaıdy. Sondaı-aq Palestınanyń  mártebesi aıasynda Izraıl men Palestınanyń arasynda tikeleı baılanystar qajet ekenin atap ótti.