Almaly aýdandyq soty Qazaqstan Respýblıkasy Qylmystyq kodeksiniń 198-babynyń 2-tarmaǵyna sáıkes, atap aıtqanda, Microsoft kontrafaktilik baǵdarlamalyq jabdyqtamasynyń danalaryn satý maqsatynda «MOON» saýda dúkeninde olardy satyp alyp, saqtaǵany úshin jeke kásipker A.Ý. Ótebekov aıypty dep tanyldy dep habarlaıdy Qamshy.kz aqparat agenttigi.
Ústimizdegi jyldyń 7 jeltoqsanynda shyǵarylǵan aıyptaý úkimine sáıkes A.Ý. Ótebekov Almaty qalasynda kompúterlerdiń, qosalqy jabdyqtyń jáne baǵdarlamalyq jabdyqtamanyń bólshek saýdasy salasynda kásipkerlik qyzmetti júrgizýmen aınalysady. Sottalýshy alyp-satý maqsatynda «Microsoft» saýda belgisimen tańbalanǵan kontrafaktilik baǵdarlamalyq ónimderdi zańsyz jolmen satyp alyp, saqtaǵan, osy áreketteri arqyly bul ónimderdiń zańdy quqyq ıesi bolyp tabylatyn Microsoft korporasıasyna aıtarlyqtaı zalal keltirdi.
Birinshi satyly sot A.Ý. Ótebekovty Qylmystyq kodekstiń 198-babynyń 2-tarmaǵynda kórsetilgen qylmystyq teris qylyqty jasaǵany úshin aıypty dep tapty. Ótebekov apelásıalyq sotqa shaǵym túsirgenimen, atalǵan sot úkimdi ózgerissiz qaldyrdy. Bul Qazaqstan bıliginiń eldegi kontrafaktilik baǵdarlamalyq jabdyqtamaǵa qarsy kúres júrgizýge bel baılap otyrǵanyn ańǵartady.
Baǵdarlamalyq jabdyqtamany qoldan jasaý, sondaı-aq, mundaı baǵdarlamalyq jabdyqtamany qoldaný jáne ótkizý avtorlyq quqyq týraly 1996 jyldyń 10 maýsymyndaǵy «Avtorlyq quqyq jáne sabaqtas quqyq týraly» № 6-I QR zańynda kórsetilgen eń keń taralǵan quqyq buzýshylyqtardyń biri bolyp tabylady. Ótebekovke úkim shyǵarǵan QR Qylmystyq kodeksiniń 198-babyna sáıkes (avtorlyq jáne/nemese sabaqtas quqyqtardy buzý) aıypty 100 AEK-ke deıingi mólsherde aıyppul tóleýi nemese 120 saǵatqa deıingi merzimmen qoǵamdyq jumystarǵa tartylýy tıis dep kórsetilgen. Úlken aýqymda qylmys jasalǵan jaǵdaıda, 5000 AEK mólsherinde aıyppul tóleý nemese sol kólemde túzetý jumystary nemese 5 jylǵa deıin bas bostandyǵyn shekteý nemese sol merzimge bas bostandyǵynan aıyrý jazasyn qoldaný qarastyrylǵan.
Onyń ústine qajetti lısenzıasy joq baǵdarlamalyq ónimderdi qoldaný qazaqstandyq qoldanýshylardyń qaýipsizdigine tikeleı qaýip tóndiredi. IDC kompanıasynyń zertteýine sáıkes lısenzıalanbaǵan baǵdarlamalar paketin ornatqan kezde nemese lısenzıasy joq baǵdarlamalyq jabdyqtama ornatylǵan derbes kompúterdi satyp alǵan kezde qoldanýshylar men kompanıalardyń zalaldy baǵdarlamalyq jabdyqtamaǵa tap bolý qaýpi 33%-ǵa ósedi eken1. Osy oraıda mundaı zalaldy baǵdarlamalyq jabdyqtamanyń kóbisin alaqol uıymdar zańsyz jolmen tabys tabý, derekterdi urlaý, elektrondyq bopsalaý nemese basqa da qylmystyq áreketterdi oryndaý maqsatynda jasap shyǵaratynyn atap ótken jón2.
Kompanıalar senimdi jetkizýshilerden lısenzıasy bar baǵdarlamalyq jabdyqtamany satyp alý arqyly kıberqaýipsizdikpen baılanysty qaýipterdi tómendete alady.
Microsoft korporasıasy qoldanýshylardy lısenzıasy joq baǵdarlamalyq jabdyqtamany satyp alý jáne qoldanýdan bas tartyp, qazirgi zamandaǵy kıberqaýipterden ózin jáne óz derekterin qorǵaýǵa shaqyrady. Tolyǵyraq aqparatty Microsoft-tyń www.microsoft.com/ru-ru/antipiracy saıtynan bile alasyzdar.
«Bul jekelegen oqıǵa bizdiń klıentterdi olardyń qaýipsizdigine tónetin kúrdeli qaýipterden, sondaı-aq, zańdyq jáne qarjylyq táýekelderden qorǵaýǵa baǵyttalǵan Microsoft strategıasynyń bir bóligi bolyp tabylady. Kıberqylmystarǵa qarsy tıimdi kúres júrgizý Qazaqstandaǵy qaýipsiz kıberkeńestikti ornatý úshin ómirlik mańyzǵa ıe», - dep atap ótti Microsoft TMD bıznes-operasıalar jónindegi dırektory Álıa Nazarqasymova.
