Búgin Májilistiń jalpy otyrysynda Palata Tóraǵasy Nurlan Nyǵmatýlın sesıa bastalǵannan bergi tórt aı ishinde atqarylǵan jumystarǵa toqtalyp, depýtattardyń aımaqtarǵa saparlaryna basa nazar aýdardy dep habarlaıdy Qamshy.kz aqparat agenttigi.    

— Bizdiń   jańa  jyldaǵy  jumysymyz  ádettegideı  saılaýshylarmen kezdesýden bastalady. Bul halqymyz úshinshde, biz  úshin de óte mańyzdy, óte   qajetti  sharalar. Sebebi, Elbasymyz bizge árqashanda halyqpen tikeleı jumys jasap, elimizdi jańǵyrtý maqsattaryn túsindirý týraly naqty tapsyrmalar berip keledi. Sondyqtan, árbir aýylǵa baryp, barlyq bastamalardy jáne olardy zań jaǵynan qoldaý jumystaryn  azamattarǵa  jetkizý, ol - bizdiń basty mindetimiz. Sol úshin  Májilis  Búrosynyń  arnaıy  sheshimi  qabyldanyp,  depýtattardyń  aımaqtarǵa  sapary  josparlanyp otyr» - dedi N. Nyǵmatýlın.

Palata Tóraǵasy atap ótkendeı Májilis qyzmeti Elbasy Nursultan Ábishuly Nazarbaevtyń aǵymdaǵy sesıanyń ashylýynda júktegen mindetterin zańnamalyq turǵydan  qamtamasyz etýge baǵyttaldy.

Sesıa basynda 80 zań jobasy jumysqa qabyldanyp, onyń 42-si qaralyp, maquldanǵan.  Onyń ishinde 12 zań jobasyna depýtattar ózderi bastamashy bolǵan. Parlament qabyldaǵan 27 zańǵa búginde Memleket basshysynyń qol qoıylyp, óz kúshine endi.  

Aǵymdaǵy sesıa jumysynda Májilis Tóraǵasy «2018-2020 jyldarǵa arnalǵan respýblıkalyq búdjet týraly», Salyq kodeksi, Kedendik retteý, sondaı-aq, Qazaqstannyń keıbir konstıtýsıalyq zańdaryna ózgerister engizý, Ákimshilik quqyq buzýshylyq jáne Aqparat jáne komýnıkasıa týraly zańdardyń jobalary men «Jer qoınaýy jáne jer qoınaýyn paıdalaný týraly» Kodeks jobasy sıaqty maquldanǵan birqatar mańyzdy qujattardy atap ótti. 

Sóz sońynda Nurlan Nyǵmatýlın depýtattardy kele jatqan jańa jyl merekesimen quttyqtap, elimizge tynyshtyq, árbir otbasyna amandyq tiledi.