Almatyda tanymal laýnj-bardyń ókili Aıjan Baızaqovaǵa qatysty oqıǵa úshin keshirim surady dep habarlaıdy Qamshy.kz aqparat agenttigi. 

Zakova bar atqarýshy dırektorynyń vıdeo úndeýi áleýmettik jelige jarıalandy.

«Men Zakova bardyń atqarýshy dırektory bolamyn. Eldi dúrliktirgen oqıǵaǵa baılanysty qazaqstandyqtardan keshirim suraǵym keledi.

Sonymen birge biz osyndaı jaǵdaı qaıtalanbas úshin qajetti is-sharany ótkizdik. Osy oqıǵaǵa qatysy bar adamdar jumystan shyǵarylyp, Aıjan Baızaqovamen túsindirý jumystary júrgizildi. Bizdiń ákimshilik tolyǵymen ákimshilik jazaǵa qatysty aıyppuldy óz jaýapkershiligine aldy», - deıdi bardyń atqarýshy dırektory.

«Bizdiń klýbta osyndaı oqıǵalar qaıtalanbaıtynyn málimdegim keledi. Sonymen birge Almaty qalasyndaǵy barlyq mekemeler osy oqıǵadan sabaq alsyn, bizdiń qatelikti qaıtalamasyn. Taǵy da Qazaqstan halqynan keshirim suraımyn. Biz qazaqstandyqtardyń ar-namysyna tıetin áreket jasaǵymyz kelmedi», dep sózin aıaqtady bardyń ókili.