Pátýaǵa sáıkes óz áıelin «qaryndas» nemese «ana» dep ataǵan er ajyrasqan bolyp sanalady. Bul týraly Túrkıanyń din isteri jónindegi basqarmasynda jarıalandy, dep jazady Qamshy.kz aqparat agenttigi.
«Eger kúıeýi áıelin «ana» nemese «qaryndas» dep ataıtyn bolsa, olardyń nekesi buzyldy degendi bildiredi. Eger odan buryn ajyraspaǵan bolsa, qaıta nekege turý múmkindigi bar», - delingen pátýada.
Budan buryn Túrkıanyń din isteri jónindegi basqarmasy ajyrasýǵa qatysty mynadaı pátýa shyǵarǵan – eger kúıeýi áıeline úsh ret talaq aıtsa, erli-zaıyptylar telefon arqyly, elektrondy poshta nemese faks arqyly ajyrasady. Pátýaǵa sáıkes, áıeli «talaq» dep jazylǵan habarlamanyń kúıeýinen kelgenine senimdi bolýy tıis.
