AQSH KHDR-ǵa qarsy sanksıalardy kúsheıtti. Sanksıalar tizimine Soltústik Koreıanyń eki resmı tulǵasy kirdi. Bul týraly qarjy mınıstrliginiń baspasóz qyzmetinde habarlanǵan, dep jazady Qamshy.kz aqparat agenttigi. 

AQSH sanksıa tizimine KHDR áskerı ındýstrıa departamentiniń jumysshy partıasy basshysynyń orynbasary Kım Chong Sık pen KHD Ortalyq komıtetiniń janyndaǵy jumysshy partıasynyń birinshi vıse-tóraǵasy Rı Pon Chony engizdi.

Soltústik Koreıa sońǵy jyldary kontınent aralyq zymyrandardy qurastyryp, AQSH-ty «úreılendirýmen» qoly bosamaı keledi. 29 qarashada sońǵy synalǵan «Hvason-15» zymyrany 13 myń shaqyrym qashyqtyqty ótkere alady. Óz kezeginde Phenán AQSH-tyń aýmaǵyn túgel qamtıtyn ıadrolyq qarý tastaıtyn múmkindikke ıe bolǵanyn málimdegen.