Qytaılyq Szánsý (Jiangsu) provınsıasynyń ónerkásiptik saıabaǵynda 3D-prınteriniń kómegimen salynǵan turǵyn úıler kórmesi ótti. Ǵımarattardyń biriniń bıiktigi 5 qabat, dep habarlady The Daily Mail basylymy.

Úıler bıiktigi 21 fýt (6,4 metr), eni 32 fýt (9,75 metr) jáne uzyndyǵy 500 fýt (152,4 metr) nysandar daıyndaýǵa múmkindik beretin prınterdiń kómegimen salynady. Basyp shyǵarý úshin materıal retinde qosalqy qurylys qaldyqtarynyń qospasy, shyny, bolat jáne sement paıdalanylady. Bul «qospa» úı qabyrǵasy  qajetti qalyńdyqqa jetkenshe, qabattalyp jaǵyla beredi.

Mundaı nysandardy alǵash ret 2014 jyly Shanghai WinSun Decoration Design Engineering Co kompanıasy jasap shyǵardy. Úlken prınterdiń kómegimen betonnan on shaqty birdeı ǵımarat daıyndady. Ár ǵımarat quny - 3,1 myń fýnt sterlıń.

Kórmege qoıylǵan danalardyń ishinde eń az gabarıttisi 100 myń fýnt sterlıńke satylýda. Qunyna qaramastan kompanıa úı basyp shyǵarý úshin júzdegen tapsyrys alǵan. Onyń ishinde Mysyr úkimeti de bar. Winsun kompanıasynyń bas dırektory Ma Iý Hı (Ma Yi He) mundaı úıdi bir táýlikte jasap shyǵarýǵa bolatynyn atap ótti.

Onyń aıtýynsha, qurylystyń bul túrinde qaldyqtar qaıta bir ret óńdeledi. Ol keleshektiń qurylys alańdary barynsha tynysh, neǵurlym taza ári kóz qýantarlyq bolatynyna senimdi.

"QazInform"