Búgin Ortalyq komýnıkasıalar qyzmeti alańynda «Azyq-túlik kelisim shart korporasıasy» ulttyq kompanıasy» aksıonerlik qoǵamynyń jáne Qazaqstannyń fermerler odaǵy ókilderimen astyq naryǵynyń máseleleri boıynsha brıfıń ótti dep habarlaıdy Qamshy.kz aqparat agenttigi.
Negizgi faktorlardyń bolmaýyna qaramastan (astyq úlesiniń mol bolmaýy, eksporttyń tómendemeýi), aǵymdaǵy jyldyń qyrkúıek aıynan bastap astyqtyń ishki naryǵynda álemdik jáne ishki baǵanyń tepe-teńsizdigi, ishki naryqtaǵy baǵanyń tómendeýi men suranystyń azaıýy baıqalady.
Osy máselelerdi taldaý barysynda birneshe sebepter anyqtaldy:
Birinshiden, Reseı elindegi astyqtyń rekordty kórsetkishte jınalýy Qazaqstannyń shekaralas aımaqtaryna arzan baǵamen zańsyz túrde astyq ákelindi;
Ekinshiden, elimizde astyq tasymaldaýshy vagondardyń jetispeýshiligi (40-50% tasymaldaý boıynsha ótinishter ashyq túrde qalyp qoıady) jáne jeke treıderler jaǵynan satyp alýdyń qysqarýy, bul halyqaralyq treıderlerge de qatysty. Vagondardyń jetispeýshiligi kelisim-shartty tolyqtaı oryndaýǵa múmkindik bermedi.
Úshinshiden, satyp alý saıasaty naqtylanbaǵan astyq naryǵyndaǵy birden – bir marketmeıker Azyq túlik kelisim-shart korporasıasy boldy. Bul kompanıa satyp alý baǵasyn 42 myń teńge dep jarıalap, baǵany 39 myń teńgege deıin tómendetti.
Osynyń bári astyqtyń ishki naryǵynda suranystyń tómendeýi men baǵanyń túsýine áser etti.
Qazirgi ýaqytta bekitilgen baǵa aýylsharýashylyǵy taýar óndirýshileriniń shyǵyndaryn óteı almaıdy jáne kóktemgi egistik jumystaryn sapaly oryndaýǵa tolyqtaı múmkindik bermeıdi.
Osyǵan oraı, aýylsharýashylyǵy taýar óndirýshileriniń qarjylyq jaǵdaıyn qalpyna keltirý maqsatynda Azyq túlik kelisim-shart korporasıasy arqyly 3 klassty bıdaıdy 2 mln. tonna kóleminde tonnasyn 42 000 teńgege (QQS qosqanda) satyp alý týraly sheshim qabyldandy.
Reseıden ákelinetin astyqty qatań qadaǵalap jáne onyń QQS zańdastyrý josparlanýda.
Vagondarǵa astyqtardy tıeýdiń ashyqtyǵyn qamtamasyz etip, astyq qolhaty aqparattyq júıesi men QTJ AQ aqparattyq júıesin biriktire otyryp, eksporttyq qujattardy daıyndaý barysynda kedergilerdi boldyrmaý kerek.
Atalǵan sharalar suranysqa ıe astyq qoryn qurýǵa múmkindik beredi, alaıda taldaý nátıjesi boıynsha qurǵaqshylyqtyń joǵary qaýpi baıqalady.
Kazgıdromettiń málimeti boıynsha, qurǵaqshylyqtyń qaıtalaný merzimi 10 jylda 3 márte bolady eken. Sońǵy 2-3 jylmen salystyrǵanda ylǵaldylyq mólsheri tómen. Osy jyly aıaz qar túskenge deıin bastaldy jáne osy maýsymda qystyq ónimdi ylǵaldyń tómen bolý yqtımaldylyǵy joǵary. Astyqty tutyný qoryn paıdalaný qajettiligi artýda.
