Aqtóbede prokýrordy jekpe-jekke shaqyrǵan depýtat 3 jarym jyl shartty túrde jazasyn óteıtin bolady, dep jazady Qamshy.kz aqparat agenttigi.

Ktk jańaalyqtarynyń málimetinshe, Aqtóbede oblystyq máslıhat depýtatyna qatysty úkim shyqty.  Baqytjan Erjanov endi iri kólemde alaıaqtyq jasap, prokýrordy qorqytqany úshin 3 jarym jyl shartty túrde jazasyn óteıtin boldy.

Aımaqqa tanymal kásipker tergeý kezinde birden kinásin moıyndap, ózi keltirgen 1 mıllıard teńgeden astam shyǵynnyń ornyn toltyrýǵa kelisken. Belgili bolǵanyndaı, asyl tuqymdy mal satyp alýǵa toltyrǵan qujaty jalǵan eken. Óıtkeni áıeliniń atyndaǵy qojalyqtan jetkizildi degen mal joq bolyp shyǵady. Munymen qoımaı, prokýrordy jekpe-jekke shaqyryp, ses kórsetken. Bul qylyǵy úshin jazalanǵanymen, endi depýtattyq mandatyna qatysty másele máslıhat otyrysynda qaralady.