Búgin atmosferalyq frontaldy bólikterdiń ótýine baılanysty respýblıkanyń basym bóliginde qar jaýady. Tek eldiń ońtústigi men ońtústik batysynda qar jaýmaıdy, dep habarlaıdy Qamshy.kz aqparat agenttigi Qazgıdrometke silteme jasap.

Respýblıkanyń basym bóliginde boran, kóktaıǵaq bolyp, tuman túsip, jel ekpini kúsheıedi dep boljanady.

Shyǵys Qazaqstan oblysynyń keı jerlerinde boran soǵap, kóktaıǵaq bolyp, jeldiń jyldamdyǵy sekýndyna 15-25 metrge jetedi.

Jambyl oblysynyń birqatar aımaqtarynda tuman túsip, kóktaıǵaq bolyp, jel sekýndyna 15-20 metrge deıin kúsheıedi. Túnde jeldiń ekpini 23 m/s-ke deıin jetedi.

Qostanaı, Soltústik Qazaqstan, Aqmola oblystarynda tuman túsip, boran soǵady, kóktaıǵaq bolyp, jeldiń jyldamdyǵy sekýndyna 15-20 metrge deıin kúsheıedi.

Pavlodar, Qaraǵandy oblystarynyń keı jerlerinde tuman túsip, boran soǵyp, jeldiń jyldamdyǵy 15-20 m/s bolady.

Almaty, Qyzylorda, Atyraý, Batys Qazaqstan, Aqtóbe oblystarynyń keı jerlerinde tuman túsip, kóktaıǵaq bolady.

Ońtústik Qazaqstan oblysynyń birqatar aımaqtarynda tuman túsedi.

Mańǵystaý oblysynda jeldiń jyldamdyǵy sekýndyna 15-20 metr bolady dep kútilýde.