№ 1- Kadrlyq sheshim
Bul nomınasıanyń jeńimpazy Qazaqstan Respýblıkasy Prezıdenti Ákimshiligi basshysynyń birinshi orynbasary – Marat Tájın. Onyń bul laýazymǵa taǵaıyndalǵanyna áli tolyq 1 jyl bolmasa da, kópshilikke Tájınniń bul qyzmetti atqarǵanyna biraz ýaqyt bolyp qalǵan syńaıly kórinedi. Oǵan sebep te joq emes, Marat Muhanbetqazyulynyń Prezıdent Ákimshiligine kelýi kóptegen oqıǵalarǵa jáne mazmundy da tabysty is-sharalarǵa toly boldy.
Kóptegen jyldar shamasynda Marat Tájın bılikte aıryqsha orynǵa ıe bolǵan, qoǵam ómirindegi trendter men zıaly qaýymnyń kóńil-kúıin tereń sezingen tulǵa retinde tanyldy. Onyń Reseıdegi elshilik qyzmetinen oralýy qazaqstandyqtardyń qoǵamdyq sanasyn reformalaý prosesinen bastaldy. Nursultan Nazarbaevtyń maqalasy osy reformatorlyq qozǵalystyń baǵytyn aıqyndap berdi. Biraq ony júzege asyrý mısıasyn bireý moınyna alý kerek bolǵan edi. Osyǵan qaraǵanda, Marat Tájın «sana jańǵyrtýdyn» iske asyrý kúrdeli jolynda negizgi róldi atqardy deýge bolady.
Marat Tájın memleketti ıdeologıalyq baǵytqa qaıta burýǵa qolǵabys etti deýge qazirden aq senimmen aıtýǵa negiz bar. Aıta keterligi, Tájınniń atalmysh qyzmetke taǵaıyndalýy kezinde jergilikti sarapshylar Prezıdent Ákimshiligi–úkimet–parlament úsh buryshy arasyndaǵy kúrdeli qarym-qatynasty retteýge Tájınniń tájirıbesine súıengen. Biraq, bul baǵyttaǵy saıası reformalar úlken qazaqstandyq saıasatta naýqan retinde ǵana júzege asyp jatqandaı. Ideologıalyq sala úzildi kesildi Tájınniń basty aparattyq resýrsyna aınalǵan sıaqty.
Ekinshi bir atap ótilýge tıisti nárse, Tájınniń qazirgi laýazymyna oralýy Qazaqstan saıasatynyń sıkldy túrde qyzmet atqarýynyń jarqyn mysaly dep bile alamyz. Danıar Áshimbaev 2013 jylǵy Tájınniń taǵaıyndalýy týraly bergen minezdemesi qazirgi kezge de saı keledi: «Marat Tájınniń bedeli, aqyl oı parasaty, tásili ıdeologıalyq salaǵa qajetti ekeni onyń ‘kólenkede’ bolǵanyńda óte qatty sezildi. Bılik kóptegen ıdeologıalyq úlgini synap kórdi, degenmen, bul baǵytta jumys atqaratyn yqpaldy jáne tájirıbeli ıdeolog-strateg basqaratyn biregeı júıe kerek degen qorytyndyǵa keldi. Tájın degen – Tájın.
Derekkóz: IAS
