Áleýmettik jelige «Áziret Sultan» meshitinde shyrshanyń beınesine uqsas vıdeo jarıalandy dep habarlaıdy Qamshy.kz aqparat agenttigi. Bul vıdeo "Áziret Sultan" meshitiniń kishi zalynda túsirilgeni belgili boldy. Osy vıdeoǵa qatysty QMDB baspasóz hatshysy Aǵabek Qonarbaıulyna habarlastyq. 

«Astanadaǵy "Áziret Sultan" meshitiniń kishi zalyndaǵy sý burqaq kórikti kók gúldermen kómkerilgen. Muny uzaqtaý tustan taspaǵa túsirgen bireýler shyrsha dep oılap qalsa kerek. Meshitke kórik berip turǵan dúnıeni shyrsha dep qabyldap qalǵan kisilerge aıtarymyz: Teris pikirden aýlaq bolaıyq. Múmkin emes nárseni meshitpen baılanystyrýǵa jol bermeıik, baýyrlar! Osy jaǵdaıdan keıin gúl ornynan alynyp tastaldy. Bizge bárinen buryn halyqtyń durys dinı túsinigi qymbat!», dep jaýap berdi Aǵabek Qonarbaıuly.