2017 jyly Batys Qazaqstan oblysynda «Nurly jol» baǵdarlamasynyń aıasynda 985 páterden turatyn 7 úı salynǵan dep habarlaıdy Qamshy.kz aqparat agenttigi. Solardyń ishinde atalǵan memlekettik baǵdarlamanyń «Jergilikti atqarýshy organdar jelisi boıynsha kredıttik turǵyn úı» baǵyty boıynsha 481 páterlik 4 úı, «Báıterek Development» AQ jelisi boıynsha 504 páterlik 3 úı boı kóterdi.

«Turǵyn úı qurylys jınaq bankiniń» oblystyq fılıaly jyldyq jumys qorytyndysy týrasynda BQO Óńirlik komýnıkasıalar qyzmetinde ótken baspasóz máslıhatynda fılıal dırektory Aıgúl Naýryzálıeva tolyq aıtyp ótti. Odan bólek brıfıńke qatysqan BQO qurylys basqarmasy basshysynyń orynbasary Álibek Antazıev atalǵan baǵdarlama aıasynda atqarylǵan jumystarǵa toqtaldy.

Aıgúl Naýryzálıevanyń aıtýynsha, bıylǵy jyly oblysta 55 000-ǵa jýyq adam memlekettiń syıaqysyn alady. Bul – Turǵyn úı qurylys jınaq bankinen salym ashqan aımaq turǵyndarynyń sany. Olardyń 18 722-si kelisimshartty 2017 jyly resimdegen.

2017 jyly Batys Qazaqstan oblysynda 2505 adam 12,5 mlrd. teńgeniń zaımyn alyp, turǵyn úı jaǵdaıyn jaqsartypty.

Kelesi jyly bank «Nurly jer» baǵdarlamasyn júzege asyrýdy jalǵastyrady. «Qurylysty jeke qurylys júrgizýshiler arqyly yntalandyrý» baǵytynyń aıasynda 2018 jyly oblystyń 173 turǵyny qonys toıyn toılamaq. «Qazaqstannyń Turǵyn úı qurylys jınaq banki» AQ men «Qaz-Hol» JSHS jáne «Karavannyı pýt» JSHS arasynda qol qoıylǵan kelisimderge sáıkes, Oral qalasyndaǵy Qurmanǵazy kóshesi, 198 mekenjaıynda 9 qabatty turǵyn úıdiń jáne Gagarın kóshesi, 2 mekenjaıy boıynsha 126 páterlik úıdiń qurylysy júrýde. Úıler 2018 jyldyń tamyzynda paıdalanýǵa beriledi dep josparlanyp otyr.

«Nurly jer» baǵdarlamasynyń aıasynda «Jeke turǵyn úı qurylysyn damytý» baǵytynda Toqpaı, Fedorovka, Peremetnoe jáne Darıan eldi mekenderinde jer úıler qurylysyn júrgizý josparlanýda. Atalǵan jobalar boıynsha bólmelerdiń ornalasý reti jáne nysandardyń biryńǵaı sáýlettik stılde bolatyny anyqtaldy. Mundaǵy úılerdiń bir sharshy metriniń baǵasy 120 000 teńgeden aspaıtyn bolady (ınjenerlik-kommýnıkasıalyq ınfraqurylymdy eseptemegende).

Turǵyn úı qurylys jınaq bankiniń jeke ónimi - «Óz úıim» baǵdarlamasy da aımaqta sátti júrip jatyr. Atalǵan jobanyń aıasynda 2018 jyly BQO İİD qyzmetkerleri baspanaly bolady. Sonymen qatar, Oraldyń Soltústik-SHyǵys bóliginde «Batys Qazaqstan elektr taratý jelisi kompanıasy» AQ men «Jaıyqjylýqýat» AQ qyzmetkerleri úshin 9 qabatty turǵyn úı salý josparlanýda. Bul uıymdarda isteıtin qyzmetkerlerdiń jalpy sany 800-den asady.

Álibek Antazıevtiń aıtýynsha, «Nurly jer» baǵdarlamasy aıasynda turǵyn úı qurylysy qarqyndy júrgizilýde.  Kúni búgin oblysta 18 kóppáterli jáne 188 bir qabatty turǵyn úıler salynýda. Bul maqsatqa qarjylandyrýdyń barlyq kózderinen 15 mlrd. teńge bólingen. Jyl aıaǵyna deıin 10 kóppáterli turǵyn úıdi paıdalanýǵa berý josparlanýda (9 úı Oral qalasynda, 1 úı Aqsaı qalasynda). Sondaı-aq aýyldyq jerde 113 bir qabatty úıler ıelerine tapsyrylady.

- «Nurly jer» baǵdarlamasy boıynsha turǵyn úı salý jospary 278,1 myń sharty metr. Alaıda, biz qazirdiń ózinde bul salada úlken alǵa basýshylyqty kórip otyrmyz. Biz josparly mejeni 36%-ǵa asyra oryndadyq, ıaǵnı 300 myń sharshy metrden asa úı salyndy. Aldaǵy 2018 jyly Turǵyn úı qurylys jınaq banki salymshylaryna arnalǵan 14 úıdiń qurylysy bastalady, - dep atap ótti Á.Antazıev.