«Qazgıdromet» RMK 30 jeltoqsanǵa arnalǵan aýa raıy boljamyn usynady, dep habarlaıdy Qamshy.kz aqparat agenttigi. 

Qazaqstannyń basym bóliginde  jaýyn-shashynsyz aýa raıy kútiledi, tek soltústiginde, ortalyǵynda jáne shyǵysynda atmosferalyq aýa aǵyndarynyń ótýine baılanysty  jaýyn-shashyn bolýy múmkin.

Respýblıkanyń keı jerlerinde burqasyn,  kóktaıǵaq, tuman, jeldiń kúsheıýi kútiledi. Almaty oblysynyń keı jerlerinde tuman, Jalanashkól aýdanynda 17-22 m/s jel kúsheıedi.

Pavlodar, Shyǵys Qazaqstan oblystarynyń keı jerlerinde burqasyn, tuman, kóktaıǵaq, jel 15-20 m/s kúsheıýi  kútiledi.

Aqmola, Atyraý,  Soltústik Qazaqstan, Aqtóbe, Ońtústik Qazaqstan, Mańǵystaý, Batys Qazaqstan, Qaraǵandy, Qostanaı oblystarynyń keı jerlerinde tuman, kóktaıǵaq kútiledi.

Jambyl, Qyzylorda oblystarynyń keı jerlerde tuman, tańerteń jáne kúndiz jeldiń jyldamdyǵy 15-20 m/s jetedi.