Medısınalyq bet perde kıgen eki ury Astanadaǵy mıkrokredıt kompanıasyna shabýyldady dep habarlaıdy Qamshy.kz aqparat agenttigi tengrinews.kz-ke silteme jasap.
«29-shy jeltoqsanda saǵat 19.00-de Bógenbaı batyr kóshesinde ornalasqan kompanıaǵa qolyna pyshaq jáne qarýǵa uqsas zat ustaǵan eki adam kasadan 500 myń teńge kóleminde qarjyny urlap áketken» dep habarlady İİD ókili.
Atalmysh oqıǵa QR Qylmystyq kodeksine sáıkes, sotqa deıin tergeýdiń biryńǵaı reestirinde 192-shi bap boıynsha tirkeldi.
«Beıne baqylaý kameralary arqyly jergilikti polısıa 23 jáne 25 jastaǵy turǵyndy ustady. Olarda qarý jáne 428 500 teńge kóleminde aqsha bolǵan» dep habarlady İİD ókili.
Kúdiktiler oqıǵa ornynda aqshanyń bir bóligin qulatyp alǵan. Ony jaıaý júrginshiler keńsege alyp kelgen. Ustalǵan eki adam óz kinásin moıyndady. Qazir tekserý jumystary júrgizilip jatyr.
