Qazaqstan men TMD elderine tanymal stılıs jáne vızajıst Sandı (Sandýǵash) Beksyrǵa nemis ánshisi C. C. Catch atymen tanymal Karolına Katarına Múllerdiń jeke vızajısi atandy, dep habarlaıdy Qamshy.kz aqparat agenttigi QazAqparatqa silteme jasaı otyryp. Vızajıst álemdik deńgeıdegi juldyzben qalaı tanysqanyn aıtyp berdi.

«Ótken jyldyń qańtar aıynda C.C. Catch Almatyǵa ushyp keldi jáne onyń ókilderi vızajıst izdep jatqanyn habarlady. Birneshe adamnyń jumystaryn qarap kórgen ánshi meni tańdapty. Osylaısha, Ritz-Carlton qonaq úıine kelip, ánshimen alǵash ret jumys istedim. Sodan beri, ánshi Almatyǵa kelgen saıyn makıaj jasap júrdim. Qyrkúıek aıynda ánshiniń jeke vızajısi bolý týraly usynys kelip tústi, men kelisimimdi berdim. Endi álemniń birneshe memleketterine saparlaıtyn bolamyz», - deıdi S. Beksyrǵa.

Sandýǵash pen Karolına qazan-jeltoqsan aılarynda tórt konsertte birlese jumys istegen. 2018 jyldyń alǵashqy eki konsertin Máskeý men Sankt-Peterbýrg qalalarynda ótkizedi. «Karolına álemdik deńgeıdegi juldyz jáne óte qarapaıym jan. Onyń qos-qostan kómekshileri joq, tipti kıimin ózi útiktep kıedi. Ánderin jandy daýysta oryndaıdy. Ár nómirine jaýapkershilikpen qarap, sahnaǵa shyqqansha taǵat tappaıdy. Bizdiń qazaqstandyq juldyzdar odan kóp nárse úırener edi», - deıdi vızajıst.

Sondaı-aq, stılıs aldaǵy josparlaryn aıtyp, 2018 jyldyń basty trendterin atady. «Jańa 2018 jyldyń basty qaǵıdasy - mınımalızm men ustamdylyq bolmaq. Betti árlegende de tabıǵılyqty barynsha saqtaýǵa tyrysyńyz, qoıý tústerdi azyraq qoldanǵan jón. Kıimge keler bolsaq, altyn tústes reńk beretin qyzyl tús sánge aınalady», - deıdi S.Beksyrǵa.