Aýyr salmaqta álemniń burynǵy absolút chempıony Maık Taıson Kalıfornıa shtatynda zańdy ári medısınalyq qajettilikter úshin esirtki ósiretin ferma ashqanyn jarıalady, -  dep habarlaıdy Qamshy.kz aqparat agenttigi tengrinews.kz-ke silteme jasap.

"Taısonnyń ranchosy" atty ferma Kalıfornıa-sıtı qalasynyń mańynda ornalasqan. Ashylý saltanatynda osy jergilikti mekenniń meri jáne Taısonnyń kásiptegi seriktesteri boldy.

"Taısonnyń ranchosy" atty fermada medısınalyq salada kannabınoıdtyq zattardy qoldaný jáne zertteý jumystary qolǵa alynady.

Mmaboxing.ru basylymynyń málimetinshe, sportshylar kóbine osy saýdanyń ókili bolady eken. Burynǵy UFC chempıony Entonı Djonson sporttyq mansabyn aıaqtap, osy ispen aınalysýǵa kóshken. Bellator jarysynda óner kórsetip júrgen Georgıı Karahanán kásipqoı sportshylar arasynda tuńǵysh ret osyndaı óndirýshi fermalardyń birin jarnamalaý úshin kelisimshart jasasqan.