Aýǵanstanda quldyqta bolǵan Kanada azamaty Djoshýa Boıl seksýaldyq sıpattaǵy shabýyl jasady degen aıyppen qamaýǵa alyndy. Odan bólek kanadalyq er adamǵa zańsyz bas bostandyǵynan aıyrý, qoqan-loqy kórsetý, qorqytý, polısıany aldaý, ýly zattardy qoldaný sıaqty birneshe aıyp taǵylǵan. Bul týraly Qamshy.kz aqparat agenttigi TASS-qa sileteme berip habarlaıdy.
Oǵan 2017 jyldyń 14-30 qazan aralyǵynda jasalǵan barlyǵy 15 qylmysqa qatysty aıyp taǵylyp otyr. 34 jastaǵy Kanada azamaty 30 jeltoqsannan bastap qamaýda.
Djoshýa Boıl men onyń áıeli – AQSH azamatshasy Keıtlın Koýlman 3 balasymen birge 2017 jyldyń 13 qazanynda Aýǵanstandaǵy pákistandyq áskerıler tarapynan bosatylyp, Torontoǵa kelgen.
Boıl men onyń aıaǵy aýyr áıeli 2012 jyly Aýǵanstanda eriktiler jumysymen aınalysyp júrgen kezde quldyqqa alynǵan. Quldyqta bolǵan ýaqyt aralyǵynda olardyń 4 balalary týylǵan. Alaıda bir qyzdary terrorıster qolynan qaza tapqan.
Djoshýa Boıldyń aıtýynsha, aýǵandyq sodyrlar onyń qyzyn óltirip, áıelin zorlaǵan. Mundaı ozbyrlyq áreketter Djoshýa sodyrlardyń aıtaqandaryn isteýden bas tartqany úshin jasalǵan.
