Qazaqstan musylmandary dinı basqarmasynyń tóraǵasy Serikbaı qajy Orazdyń buıryǵymen Alsabekov Muhammed-Hýseın qajy Osmanuly Bas múftıdiń Bas keńesshisi qyzmetine taǵaıyndaldy, dep habarlaıdy Qamshy.kz aqparat agenttigi muftyat.kz saıtyna silteme jasaı otyryp.
Alsabekov Muhammed-Hýseın qajy Osmanuly 1970-1980 aralyǵynda Orta Azıadaǵy kórnekti ıslam ǵalymdarynan dáris alǵan. Sonymen qatar, dinı bilimin jetildirý maqsatynda Sırıa jáne Pákistan memleketterinde halyqaralyq ıslam ýnıversıtetterinen sharıǵat jáne arab tili fakúltetin bitirgen. Ol 1985 jyly 25 jasynda Almaty qalasy ortalyq meshitine Bas ımam bolyp taǵaıyndaldy.
1990 jyldyń 12 qańtarynda Qazaqstan musylmandary dinı basqarmasy qurylǵaly beri M.H. Alsabekov Qazaq Islam ýnıversıtetiniń tuńǵysh rektory, QMDB tóralqasynyń múshesi, sondaı-aq 1990 jyldardyń basynda Qazaqstan Respýblıkasy Prezıdenti janyndaǵy dinı birlestiktermen baılanys keńesiniń, «Almaty-Helsınkı-Parıj» atty Aral teńizin qutqarý halyqaralyq komıtetiniń jáne adam quqyǵyn qorǵaý komıtetteriniń múshesi. Elimizdiń musylmandary atynan Reseı, Kaýkaz, Orta Azıa, Sırıa, Saýd Arabıasy Koróldigi, Kıpr, Lıvan, Túrkıa, Iran, Pákistan jáne t.b memleketterde dıplomatıalyq qyzmet mısıalaryn atqardy.
