Fınlándıada jergilikti kompanıalardyń biri nanǵa qara shegirtke qosyp daıyndaýǵa kóshti, - dep jazady Qamshy.kz aqparat agenttigi Habar 24-ke silteme berip.

Birlestik ókilderiniń aıtýynsha, olar mundaı taǵamdy daıyndaýdy álemde alǵash ret qolǵa alyp otyr. Al erekshe nannyń ár bólkesinde 70 keptirilgen shegirtke bar.

Olar aldymen úgitilip, sodan keıin unǵa bóktiriledi. Mundaı nan proteınge baı ári quramynda túrli vıtamınder men temir, kálsı sıaqty adam aǵzasyna qajetti elementter jeterlik. Ázirge erekshe nandy eldiń tek iri qalalaryndaǵy dúkenderden alýǵa bolady.

Biraq keleshekte jappaı saýdaǵa shyǵarylatyn túri bar. Al quny ádettegi bólkeden qymbattyraq, 4 eýro turady. Aıta keteıik, qazirgi tańda qara shegirtke aralasqan taǵamdardy Eýroodaqtyń basqa elderinen de kezdestirýge bolady. Mysaly, Shvesıada osy jándik qosylǵan gambýrger satylady. Qara shegirtkeni Belgıa, Ulybrıtanıa, Danıa, Nıderland aspazdary da paıdalanady.

 – Nan alý úshin adamdar tipti sonaý 100 shaqyrym jerden keledi. Árıne bul nanǵa kúdikpen qaraıtyndar da bar. Olardy túsinýge bolady. Sebebi bul jándik qosylǵan taǵam ǵoı, - dedi Fazer kompanıasynyń ókili Noora Poıýhonen.

 – Dámdi. Ózimiz alyp júrgen nanǵa uqsaıdy. Kúndelikti dámnen asa qatty aıyrmashylyǵyn baıqap turǵanym joq, - deıdi jergilikti turǵyn.