Qytaı Phenán ıadrolyq qarýyn budan ary synaýdan bas tartsa Soltústik Koreıaǵa beretin áskerı-ekonomıkalyq kómegin, onyń ishinde qysqa jáne orta qashyqtyqqa ushatyn zymyrandardyń jańa úlgisin jetkizýdi ulǵaıtýdy usynady dep habarlaıdy Qamshy.kz aqparat agenttigi Azattyqqa silteme jasap. Qytaı komýnıstik partıasy Ortalyq komıtetiniń bul týraly «asa qupıa» degen belgi basylǵan qujaty 2017 jyldyń 15 qyrkúıeginde qabyldanǵan. Budan 12 kún buryn Soltústik Koreıa sońǵy ret jerastynda ıadolyq synaq jasaǵan bolatyn. Amerıkalyq Washington Free Beacon gazeti jarıalaǵan qujatty buryn Qytaı arnaıy qyzmetimen baılanysy bolǵan adam bergen. Bul aqparat ázirge basqa táýelsiz bulaqtardan rastala qoımady.

AQSH Ortalyq barlaý basqarmasy (SRÝ) da, Qytaıdyń Vashıngtondaǵy elshiligi de gazet aqparatyna komentarı bergen joq.

Qujat boıynsha, Qytaı Soltústik Koreıadan qolynda bar ıadrolyq arsenalyn joıýdy talap etpeıdi. Biraq bul Pekınniń Koreı túbegin ıadrolyq qarýdan taza aımaqqa aınaldyrýdy kózdeıtin resmı saıasatyna qaıshy keledi. Qytaı sonymen qatar Soltústik Koreıa basshylyǵyna BUU engizgen saýda sanksıalarynyń qoldanylýyn shekteýge ýáde beredi. Pekın Soltústik Koreıamen bank operasıalaryn júrgizýge salynǵan tyıymnyń tek Qytaıdyń ortalyq úkimet baqylaýyndaǵy memlekettik bankilerine jáne aımaqtyq bankterge ǵana júretinine kepildik beredi.

Washington Free Beacon materıaly Ońtústik Koreıa baspasózi jarıalaǵan «Qytaı BUU Qaýipsizdik keńesiniń sanksıasyn oraǵytyp ótip, Soltústik Koreıaǵa munaı tasymaldap otyr» degen málimetpen úndes shyǵyp otyr.