Belgili qoǵam qaıratkeri, jyrshy ári ánshi Bekbolat Tileýhan zamanaýı bala tárbıesi týraly sóz qozǵap, óziniń 11 perzenti bar ekenin ashyq aıtty. Ol tehnologıa damyǵan zamanda rýhanı jaǵynan álsirep bara jatqanymyzdy aıtyp kúıindi, dep habarlaıdy Stan.kz.

“Kishkentaı kezimizde ákemiz kelgen soń ǵana bárimiz otyryp tamaq ishetinbiz. Ol otyrmaı, tamaqqa qol suqpaıtynbyz. Ákeı keletin, kenjesin shaqyryp alyp tátti jerinen týrap beretin. Asta-tók tamaq joq edi. Tamaqtyń az bolýynyń ózinde bereke, jaqsylyq bar eken. Onyń barlyǵy ótti ketti. Mende ózi Allaǵa shúkir 11 bala bar. Kishkentaılary múldem kishkentaı, úlkenderi úlken”, – dep aǵynan jarylǵan Bekbolat Tileýhanǵa jıynda otyrǵandar qoshemet kórsetti.

Qoǵam qaıratkeri úlken balalaryna qatal bolǵanyn, alaıda jasy kelgen saıyn jumsaq bolyp baratynyn aıtty.

“Biraq negizi asa jumsaq bolmaǵan jaqsy. Óıtkeni ákemiz bizge jumsaq bolǵan joq, odan jaman bolǵan joqpyz. Kishkentaı kezimizden jumysqa saldy, tańerteńnen jybyrlap júretinbiz. Trenırovkaǵa jiberse baqyttysyń, jibermese qaldyń”, – deıdi ol.

Bekbolat Tileýhan balalaryn eski dástúrmen tárbıelegisi keletinin, alaıda oǵan zamannyń múmkinshilik bermeıtinin tilge tıek etti.

Aıta keteıik, jýyrda Bekbolat Tileýhannyń uldy bolǵany belgili boldy. Sondaı-aq, qoǵam qaıratkeri 2015 jyly qyzdy bolǵan edi.