2017 jyldyń 29 sáýirinde Soltústik Koreıa aýmaǵynda ótken sátsiz synaq balıstıkalyq zymyran qaldyqtarynyń atalmysh aımaqqa qulaýyna ákep soqty, dep habarlaıdy Qamshy.kz aqparat agenttigi Rıa novostı saıtyna silteme jasaı otyryp. Bul jaıynda AQSH bıligi málim etti.

Jergilikti basylymdardyń málimetine sáıkes, «Hvason-12» ortasha radıýsty zymyrany Tokchhon qalasyna qulaǵan, atalmysh qala turǵyndarynyń sany 237 myńǵa deıin jetedi. Balıstıkalyq zymyran qaldyqtar jergilikti aýylsharýashylyǵyna edáýir nuqsan keltirgendigi belgili boldy. Atalmysh zymyran aýada birneshe ýaqyt boıy qalyqtap júrgen.

Derekterde kórsetilgendeı, zymyrannyń ushý ýaqytyna qaraı jáne de paıdalanylmaǵan otynnyń úlken mólsherine baılanysty soqqy aıtarlyqtaı kúshke ıe bolady dep kútilgen. Tilshilerdiń paıymdaýynsha, zymyran jumystan tys ýaqytta ónerkásip aımaǵyna qulaǵandyqtan zardap shekken adam sany tym kóp bolýy ábden múmkin.