Bir jyl buryn Azamat Satybaldanyń «Bir sen úshin» fılmi úlken ekranǵa shyqty. Onda basty rólderdiń birin atyshýly Aıjan Baızakova somdaǵan. Akter onyń óz rólin jaqsy alyp shyqqanyn aıtady. Jáne klýbta bolǵan jaǵdaıdy quptamaıtynyn jetkizdi.
«Qadirli aǵaıyn, Aıjan Baızakovanyń tóńiregindegi daýda meniń de atym atalyp, biraz suraqtar kelip jatyr. Berer jaýabym mynaý:
- Biz, “BİR SEN ÚSHİN” fılmin eki jyl buryn túsirdik. Ol kezde Baızakovanyń kim ekenin eshkim bilmeıtin. Bilmeıtinderdiń ishinde men de barmyn. Bul Aıjannyń úlken kınodaǵy alǵashqy roli, serıaldardy sanamaǵanda....
Ol kınoǵa kezekti kastıng arqyly ótti. Shyny kerek kastıngke qatysqan barlyq aktrısalardan oq boıy alda turdy. Senarıdegi Indıranyń obrazyn tolyq jetkize bildi. Osyndaı aktrısa tapqanymyzǵa qýanǵanymyz da ótirik emes. Senbeseńizder kınony qaıta kórip shyǵyńyzdar. Óz rolin óte joǵary deńgeıde alyp shyqqan.
- Onyń jeke ómirinde esh sharýam joq. Árkim óz ómirine ózi jaýapty.
Ony áke-sheshesi nemese baýyrlary tárbıeleý kerek. Qur aıqaıdan ne paıda,adam ózi túsinbese. Kúrsinesiń de qoıasyń.
Men er azamat retinde,klýbta jasalǵan áreketti quptamaımyn.
Qudaı saqtasyn» dep jazdy Azamat Satybaldy óziniń ınstagram paraqshasyna.
Pikir qaldyrý