Ánshi Merýert Túsipbaeva ózine til tıgizip, qoqan-loqy kórsetip jatqandardy sotqa bermek. Ony qorqytý mándegi jáne balaǵattaǵan habarlamany áleýmettik jelige salyp, qazir habarlama avtorynan túsinik alý jumystary júrgizilip jatqanyn jazdy.
«Biz demokratıaly qoǵamda turyp jatyrmyz. Men Qazaqstannyń eńbek sińirgen qaıratkeri retinde mıllıondar qatarynda óz pikirimdi aıttym. Buǵan meniń quqyǵym bar!! Oǵan jaýap retinde apaly-sińliler maǵan til tıgizip, arymdy qorlap, jala japty!! Keshegi kúnnen bastap maǵan qoqan-loqqy jasap jatyr. Men kóp ýaqyt shydadym. Endi tıisti quqyq qorǵaý organdaryna júginýge májbúrmin. Eskertemin! Barlyq qońyraýlar, komentarıler jazylady. Sotta kezdesemiz!", — dep jazdy Merýert Túsipbaeva ınstagram paraqshasynda.
Aıta keteıik, Merýert Túsipbaeva Baıan Alagózova prodúserlik etken «Qozy Kórpesh – Baıan sulý» serıalyna ketken qarjyny qaıtarýdy talap etken. Oǵan prodúser óz ınstagram paraqshasyna jaýap berdi.
