Aqmola oblysynda egde jastaǵy er adam men onyń uly óz úıinde úsip óldi. Bul týraly Sputnik Qazaqstan tilshisine quqyq qorǵaý organdary habarlady.
Qaıǵyly oqıǵa 6 qańtarda bolǵan.
"Jer úıden eki adamnyń denesi tabyldy: 1937 jylǵy er adam, ol "lımfa túıininiń qaterli isigi" dıagnozymen aýdandyq ortalyq aýrýhanada esepte turǵan jáne onyń 1971 jyly týǵan uly. Aldyn ala boljam boıynsha, ákesi men uly sýyqtan úsip ólgen, deneleri máıthanaǵa jiberildi, qajetti saraptama belgilendi", —dep habarlady quqyq qorǵaý organynan.
Eki er adamnyń naqty neden qaıtys bolǵany resmı qorytyndydan keıin belgili bolmaq.
Birjan sal aýdany ákimdiginen málimdegendeı, kóz jumǵandardyń úıinde otyn da, kómir de bolǵan. Jaqsy otbasylardyń biri sanalypty.
