Erbol Shormanov "Astana EKSPO-2017" ulttyq kompanıasynyń basqarma tóraǵasy bolyp taǵaıyndaldy dep habarlaıdy Qamshy.kz aqparat agenttigi.  Bul týraly kompanıanyń baspasóz qyzmeti habarlady.

Qazaqstan Ulttyq ekonomıka mınıstri Tımýr Súleımenov ulttyq kompanıa ujymyna jańa basshyny tanystyrdy. Mınıstrdiń aıtýynsha, kompanıa "Astana" halyqaralyq qarjy ortalyǵy men IT-startaptar tehnoparki qurý úshin jumysyn jalǵastyra beredi.

Shormanov 2015 jyldyń tamyzynan bastap "Astana EKSPO-2017" ulttyq kompanıasy basqarma tóraǵasy Ahmetjan Esimovtiń orynbasary bolǵan. Keıin basqarma tóraǵasynyń mindetin atqardy. "Astana EKSPO-2017" kompanıasyn buǵan deıin basqarǵan Esimov "Samuryq-qazyna" ál-aýqat qory basqarmasynyń tóraǵasy bolyp taǵaıyndalǵan.

49 jastaǵy Shormanov ulttyq kompanıaǵa kelgenge deıin Almaty qalasy ákimi orynbasary bolǵan. Bul kezde qalany Ahmetjan Esimov basqarǵan.