Qazaqstanda ulttyq biryńǵaı testileýdiń jańa úlgisin engizý máselesi ázirge qarastyrylmaıdy. Bul týraly bilim jáne ǵylym vıse-mınıstri Tahır Balyqbaev málimdedi, dep habarlaıdy "Qazaqstan jańalyqtary".

"UBT negizine alynǵan, 2004 jyly biz tańdap alǵan tehnologıa ózin-ózi aqtady dep aıtýǵa bolady. Bir emtıhanmen biz eki mindetti sheshemiz, túlekter úshin teń jaǵdaı jasalýda", - deıdi Balyqbaev ortalyq komýnıkasıalar qyzmetinde ótken brıfıńte.

Mınıstr UBT-ny ary qaraı jetildirý máselesi bul jyl saıyn qarastyrylatyn másele ekenin atap aıtty.

Sonymen birge Balyqbaev UBT formatyn ózgertý nemese jetildirý máselesi aǵymdaǵy jyly qarastyrlyp otyrmaǵandyǵyn tilge tıek etti dep, habarlaıdy Bnews.kz.

"Memlekettik bilim berý júıesin damytý memlekettik damý baǵdarlamasyna sáıkes UBT-ny qaıta qurý usynystary bolǵan-dy. Ótken jyly bizde UBT-ny jetildirý boıynsha mınıstrlikte komısıa qurylǵan bolatyn. Biz osy jyly testileý formatyn ózgerissiz qaldyramyz degen sheshim qabyldadyq. Biz qaýipsizdik, jaýapkershilik máselesine ǵana shamaly túzetýler engizýdemiz. Olar qabyldanǵan kezde biz qosymsha habarlaıtyn bolamyz", - dep tolyqtyrdy óz oıyn ol.

Onyń aıtýynsha, UBT-nyń jańa formatyn engizý máselesi búgingi kúni mınıstrlikte sóz bolyp otyrǵan joq eken. NUR.KZ