Búgin 2018 jyldaǵy Úkimettiń alǵashqy otyrysynda  2017 jylǵy áleýmettik-ekonomıkalyq damý men respýblıkalyq búdjettiń atqarylýynyń aldyn ala qorytyndylary shyǵaryldy, dep habarlaıdy Qamshy.kz aqparat agenttigi. 

Qarjy sektory

2017 jylǵy 1 qarashadaǵy jaǵdaı boıynsha ekonomıka salalaryna ekinshi deńgeıdegi bankterdiń kredıtteri 12 939,0 mlrd. teńgeni qurady jáne jeke tulǵalarǵa beriletin kredıtterdiń 12,7%-ǵa 4 552,4 mlrd. teńgege deıin ulǵaıýy esebinen 2017 jyldyń basynan bastap 1,8%-ǵa ulǵaıdy.

2017 jylǵy qańtar-qarashada jańadan berilgen kredıtterdiń kólemi
9 601,8 mlrd. teńgeni qurady jáne 2016 jylǵy uqsas kezeńmen salystyrǵanda 8,4%-ǵa ósti.

Berilgen kredıtter boıynsha syıaqy mólsherlemesi 2017 jylǵy qarashada 14,2%-dy qurady.

Uzaq merzimge berilgen kredıtter boıynsha a.j. qańtarda 17,4%-dan a.j. qarashada 15,8%-ǵa deıin, qysqa merzimdi kredıtter boıynsha a.j. qańtarda
13,7%-dan a.j. qarashada 13,0%-ǵa deıin tómendeý baıqalyp otyr.

Qysqa merzimdi kredıt berý kólemi 2017 jylǵy qańtar-qarashada ótken jyldyń tıisti kezeńine qaraǵanda 3,7%-ǵa 5 442,8 mlrd. teńgege (úlesi 56,7%) deıin tómendedi, uzaq merzimdi kredıt berý kólemi 29,9%-ǵa 4 158,9 mlrd. teńgege (úlesi 43,3%) deıin ulǵaıdy.

2017 jylǵy qańtar-qarashada jańa kredıtter negizinen saýdaǵa (3 720,0 mlrd. teńge – úlesi 38,7%) jáne ónerkásipke (1 318,8 mlrd. teńge – úlesi 13,7%) baǵyttaldy.

Qurylysqa 373,9 mlrd. teńge (úlesi 3,9%), kólik salasyna – 338,4 mlrd. teńge (úlesi 3,5%), sondaı-aq aýyl sharýashylyǵyna – 151,6 mlrd. teńge (úlesi 1,6%) baǵyttaldy.

Depozıtter 2017 jylǵy 1 jeltoqsandaǵy jaǵdaı boıynsha 17 609,1 mlrd. teńgege jetip, 2017 jyldyń basynan beri 2,4%-ǵa tómendedi, onyń ishinde zańdy tulǵalardyń depozıtteri – 5,3%-ǵa 9 683,3 mlrd. teńgege deıin tómendedi, jeke tulǵalardyń depozıtteri – 1,2%-ǵa 7 925,7 mlrd. teńgege deıin ulǵaıdy.

Ulttyq valútadaǵy depozıtter úlesi 2017 jylǵy qazanda 50,8%-dan 2017 jylǵy qarashada 51,6%-ǵa deıin ulǵaıdy.

Aınalystaǵy qolma-qol aqsha (M0 - bank júıesinen tys aqsha) kólemi jyl basynan bastap 1,0%-ǵa ulǵaıyp, 1 766,5 mlrd. teńgeni qurady.

Aqsha massasy (M3 - aınalystaǵy qolma-qol aqshanyń jáne banktik emes rezıdent zańdy tulǵalardyń jáne halyqtyń ulttyq jáne shetel valútasyndaǵy aýdarylatyn jáne basqa da depozıtteriniń somasy) 2017 jyldyń basynan bastap 2,1%-ǵa 19 375,6 mlrd. teńgege deıin tómendedi.

2017 jylǵy jeltoqsanda teńgeniń AQSH dollaryna qatysty resmı baǵamy 1 AQSH dollaryna 331-336 teńge aýqymynda qubyldy, 2017 jylǵy
qańtar-jeltoqsanda ortasha eseppen 1 AQSH dollaryna 326,0 teńgeni qurady.

Tólem teńgeriminiń kórsetkishteri

2017 jylǵy 9 aıda tólem teńgeriminiń aǵymdaǵy operasıalary shotynyń teris saldosy 4 591,3  mln. AQSH dollaryn nemese boljamdy JİÓ – ge qatysty (-2,9%) qurady (2016 jyldyń 9 aıynda 6 031,0 mln. AQSH dollaryn nemese JİÓ – ge qatysty (-4,4%) qurady).

Sheteldik ınvestısıalardyń taza aǵyny 2017 jylǵy 9 aıda 3 034,8 mln. AQSH dollaryn qurady, bul ótken jyldyń deńgeıinen 73,8%- ǵa tómen (10 590,6 mln. AQSH dollary).

2017 jylǵy qańtar-qarashada Qazaqstannyń syrtqy saýda aınalymy 69,5 mlrd. AQSH dollaryn qurady jáne 2016 jyldyń tıisti kezeńimen salystyrǵanda 25,1%-ǵa ulǵaıdy, onyń ishinde eksport – 43,1 mlrd. AQSH dollaryn (31,6%-ǵa ósý), ımport – 26,4 mlrd. AQSH dollaryn (15,8%-ǵa ósý) qurady.

2017 jylǵa respýblıkalyq búdjettiń atqarylýy

 2018 jylǵy 1 qańtarǵa memlekettik búdjetke túsetin túsimder 11 674 159,1 mln.teńgeni qurady jáne esepti kezeńge arnalǵan josparǵa 101,4%-ǵa oryndaldy. Ótken jyldyń osyǵan uqsas kezeńimen salystyrǵanda 24,4%-ǵa ósý baıqalady.

Memlekettik búdjetke kirister (transfertterdi esepke almaǵanda) 7 153 374,0 mln.teńge somasynda nemese 102,2% tústi, onyń ishinde salyqtar 101,4%-ǵa nemese 6 810 851,3 mln.teńgege, salyqtyq emes túsimder – 273 872,3 mln.teńgege (118,9%-ǵa), negizgi kapıtaldy satýdan túsetin túsimder – 68 650,4 mln.teńgege (130,4%-ǵa), transfertter túsimderi – 4 414 317,4 mln.teńgege (100,0%-ǵa) atqaryldy. Búdjettik kredıtter 102 717,4 mln.teńge somasynda (101,1%) óteldi, memlekettiń qarjy aktıvterin satýdan túsetin túsimder 3 750,3 mln.teńgeni (147,4%) qurady.

Respýblıkalyq búdjetke kirister (transfertterdi esepke almaǵanda) 5 012 255,3 mln.teńge somasynda túsken nemese 59 495,4 mln.teńgege artyǵymen oryndaı otyryp 101,2%. Ótken jylmen salystyrǵanda ósý qarqyny 109,4%-dy qurady nemese 430 338,9 mln.teńgege kóp tústi.

Salyqtar boıynsha 37 070,3 mln.teńgege artyǵymen oryndalý negizinen ımportqa QQS esebinen qalyptasty – 20 279,7 mln.teńge, munaıǵa salynatyn EKB – 73 009,7 mln.teńge, tabıǵı jáne basqa resýrstardy paıdalaný esebinen túsken túsimder  – 8 582,5 mln.teńge.

Ótken jylmen salystyrǵanda salyqtar 13,4%-ǵa nemese
572 141,6 mln.teńgege ósken. Ósim 157 075,2 mln.teńge – ımportqa salynatyn QQS, 167 306,9 mln.teńge – munaıǵa salynatyn eksporttyq keden bajy, 99 907,0 mln.teńge – PQÓS boldy.

Salyqtyq emes túsimder boıynsha 19 685,2 mln.teńgege asyra oryndaý negizinen 10 306,0 mln.teńge - memlekettik menshikten túsetin kirister (dıvıdendter – 8 782,7 mln.teńge) memlekettik búdjetten qarjylandyrylatyn, sondaı-aq Qazaqstan Respýblıkasy Ulttyq Bankiniń búdjetinen (shyǵystar smetalary) ustalatyn jáne qarjylandyrylatyn memlekettik mekemeler salatyn aıyppuldar, ósimpuldar, sanksıalar – 7 051,1 mln.teńge.

Qazaqstan Respýblıkasynyń Ulttyq qorynan beriletin kepildendirilgen transfert 2 880 000,0 mln.teńge somasynda nemese josparǵa 100% tartylǵan.

Jergilikti búdjetterdiń kiristeri 4 681 296,3 mln.teńge nemese esepti kezeńge arnalǵan josparǵa 102,1% qurady. Ótken jyldyń osyǵan uqsas kezeńimen salystyrǵanda 8,5%-ǵa ósý baıqalady.

Jergilikti búdjetterdiń óz kiristeri (transferttersiz) 2 142 082,5 mln. teńge somasynda nemese josparǵa 104,6% oryndaldy. Jospardan tys jergilikti búdjetter kiristerine 95 126,2 mln.teńge tústi.

Kirister boıynsha jospar, oryndalmaýy 3 460,8 mln.teńge bolǵan Mańǵystaý oblysyn qospaǵanda, barlyq óńirler boıynsha artyǵymen oryndaldy.

Memlekettik búdjet shyǵystary  13 129 478,9 mln.teńgeni qurady jáne esepti kezeńge arnalǵan josparǵa 99,7% atqaryldy, onyń ishinde shyǵyndar – tıisinshe 12 485 378,1 mln.teńge nemese 99,7%, búdjettik kredıtter – 304 168,7 mln.teńge nemese 100,0%, qarjy aktıvterin satyp alý – 339 932,1 mln.teńge nemese 100%.

Memlekettik búdjet tapshylyǵy 2017 jyly 1 455 319,8 mln.teńgeni nemese JİÓ-ge 2,8% qurady.

Memlekettik búdjet tapshylyǵyn qarjylandyrýǵa 1 455 319,8 mln.teńge, onyń ishinde qaryz túsimderi esebinen – 1 805 068,3 mln.teńge, qaryzdardy óteý – 394 477,7 mln.teńge, búdjet qarajatynyń paıdalanylǵan qaldyqtary – 44 729,2 mln.teńge.

Respýblıkalyq búdjet shyǵystary 11 156 277,2 mln.teńgege jasaldy nemese 99,8%. 21 079,4 mln.teńge atqarylmady, onyń ishinde 2 324,2 mln.teńge únemdeý somasy, 3 445,6 mln.teńge – bólinbegen rezerv. 15 309,7 mln.teńge ıgerilmedi.

2017 jylǵy respýblıkalyq búdjet tapshylyǵy 1 356 975,1 mln.teńge nemese JİÓ-ge 2,6% qurady.

Respýblıkalyq búdjet tapshylyǵyn qarjylandyrýǵa 1 356 975,1 mln.teńge, onyń ishinde qaryz túsimderi esebinen – 1 718 245,7 mln.teńge, qaryzdardy óteý – 394 477,7 mln.teńge, búdjet qarajatynyń paıdalanylǵan qaldyǵynyń somasy 33 207,1 mln.teńge.

2017 jyly respýblıkalyq búdjetten óńirlerge 1 037 992,8 mln.teńge nysanaly transfertter bólingen. Jergilikti atqarýshy organdardyń jedel derekteri boıynsha nysanaly transfertter somasy  1 032 640,0 mln.teńge nemese 99,5%, onyń ishinde aǵymdaǵy 463 755,5 mln.teńgeden – 463 414,4 mln.teńge nemese 99,9%, damý boıynsha 574 237,3 mln.teńgeden – 569 225,6 mln.teńge nemese 99,1%.

Oryndalmaý somasy 5 352,9 mln.teńge qurady, onyń ishinde búdjet qarajatyn únemdeý 1 323,2 mln teńge.