Qazirgi ýaqytta tabysy ortasha qazaqstandyqtar úshin turǵyn úı alýǵa tıimdi júıe – Turǵyn úı qurylys jınaq banki arqyly ıpoteka alý bolyp otyr. Bul týraly Qamshy.kz aqparat agenttigi kn.kz-ke silteme berip jazady.
Atalǵan bank turǵyn úıge ıpoteka alýdy elimizde eń tómengi paıyzda júzege asyrady. Turǵyn úı qurylys jınaq banki usynǵan model arqyly klıentter birneshe jylda jeńildikpen beriletin kredıt alyp, qoljetimdi somada úı satyp ala alady. Bank usynǵan málimetter boıynsha, 2017 jyly 9 aıda 28 990 adam turǵyn úı alǵan.
TÚQJB qandaı baǵdarlamalar usynady?
Byltyrǵy jyldan bastap Turǵyn úı qurylys jınaq bankinde bir ǵana tarıftik baǵdarlama – «Baspana» jumys isteıdi. Osyǵan deıin jumys istegen «Bastaý», «Órken», «Kemel», «Bolashaq» tarıftik baǵdarlamalary birikti.
Salymshy úsh másele tóńireginde óz josparlaryn anyqtap alý kerek. Birinshiden, alatyn úıdiń baǵasy qandaı bolady, ekinshiden, bastapqy jarna mólsheri qandaı bolmaq jáne aı saıyn qandaı somany tóleı alady.
«Baspana» baǵdarlamasy mınımaldy somaǵa 500 MRP (1 134 500 tg) salym jasaýǵa múmkindik beredi. Sonymen birge, kelisimsharttaǵy somany ózgertýge, depozıtterdi biriktirýge bolady.
Qaryzdyń merzimi men paıyzdyq mólsherlemesi baǵalaý kórsetkishine baılanysty. Salymdardyń neǵurlym jıi salynýy klıenttiń baǵalaý kórrsetkishine áser etedi.
Salymshy mınımaldy túrde qordy 3 jylǵa baǵalaý kórsetkishi 16-ǵa jetkenshe jetkizýi tıis. Mundaı jaǵdaıda bank klıenti úıdi 5 % jyldyń mólsherlememen ala alady. Eger klıent ary qaraı 4 jyl salym salsa, baǵalaý kórsetkishi 20-ǵa ósedi. Paıyzdyq mólsherleme 4,8%-ǵa deıin tómendeıdi. Qaryzǵa berýde mınımaldy paıyzdyq mólsherleme 3,5% jyldyq mólsherleme.
TÚQJB-degi eń tıimdi ıpoteka – turǵyn úıge beriletin qaryz. Munda siz úıdi memlekettik baǵdarlama boıynsha alasyz ba, álde jańa qurylystan alasyz ba- aıyrmasy joq, banktiń barlyq sharttaryn oryndaǵan salymshy ǵana ıpoteka ıegeri atana alady.
Qaryzdy alý sharttary:
- Turǵyn úı qurylys jınaqtary týraly kelisimsharqa otyrý kerek
- Jınalǵan soma kelisimshart somasynan 50 %-dan kem bolmaýy tıis. Kelisimshartta belgilengen soma shartty bolady, sondyqtan ony ózgertýińizge bolady
- Salym salýdyń mınımaldy merzimi 3 jyl
- Salymdy aı saıyn júrgizý kerek
«Nurly jer» baǵdarlamasy boıynsha úı men páter alý
Bul turǵyn úı qurylys jınaǵy júıesi arqyly jergilikti atqarýshy organdar JAO arqyly kredıttik negizde turǵyn úı alý. JAO tiziminde turǵandar men bank salymshylary men kezekte turǵandaryna arnalǵan.
Talaptar:
- Turǵyn úı qurylys jınaǵy týraly kelisimshart jasaý
- Aryz jazý, úı alýǵa úmitker mártebein alý
- TÚQJB shotynda úı baǵasynyń kem degende 30%-nyń bolýy
- QR azamattyǵynyń bolýy nemese oralman mártebesiniń bolýy
- Ótinish berýshide jáne onyń otbasy múshelerinde Qazaqstan Respýblıkasynyń aýmaǵynda jeke menshik úıiniń bolmaýy;
- Ótinish berýshiniń jáne onyń otbasy músheleriniń sońǵy 5 jyldyń ishinde turǵyn úı jaǵdaıyn ádeıi nasharlatý jáne turǵyn úıinen aıyrý dereginiń bolmaýy.
- QTQJB-nyń ishki qujattarymen qarastyrylǵan tártipte tólem qabilettiligin rastaý;
- Elektrondy úkimet veb-portalynda tirkeýden ótýi
Aralyq turǵyn úı qaryzy
Talaptar:
Turǵyn úı qurylys jınaqtary týraly kelisimshartty jasaý
Jınaqtaý merzimi - kelisimshart somasynyń 50%
Nesıe boıynsha mólsherleme: jyldyq 7,5%-dan (JTSM – jyldyq 8,9%-dan)
Jyldyq 5%, (JTSM* –jyldyq 5,3%-dan), «Nurly jol» baǵdarlamasy sheńberinde.
Jyldyq 6,5%, (JTSM* – jyldyq 7,2%-dan), «Óńirlerdi damytýdyń 2020 jylǵa deıingi baǵdarlamasyna» qatysýshylar úshin.
*Jyldyq tıimdi syıaqy mólsherlemesi
Nesıelendirý merzimi: 25 jylǵa deıin.
Aldyn-ala turǵyn úı qaryzy
Talaptar:
Turǵyn úı qurylys jınaqtary týraly kelisimshart jasaý
Salymdy tolyqtyrý úshin shot ashý
Salymdy tolyqtyrý merzimi: aı saıyn
Nesıe boıynsha mólsherleme
jyldyq 5% (JTSM – jyldyq 5,2%), «Nurly jol» baǵdarlamasy sheńberinde kelisimshart somasynyń 30%-yn jınaqtaý kezinde.
jyldyq 7,5% (JTSM – jyldyq 7,9%), jınaqtaýsyz, "Óńirlerdi damytýdyń 2020 jylǵa deıingi baǵdarlamasyna" qatysýshylar úshin búdjettik qarajatty paıdalana otyryp.
jyldyq 9,5% (JTSM – jyldyq 12,8%), «Óz úıim» baǵdarlamasy sheńberinde kelisimshart somasynyń 30%-yn jınaqtaý kezinde.
Nesıeleý merzimi: 3 jyldan 8,5 jylǵa deıin
«Óz úıim» baǵdarlamasy
«Qazaqstannyń turǵyn úı qurylys jınaq banki» AQ-nyń «Óz úıim» baǵdarlamasy - Bank salymshylaryn qol jetimdi baspanamen qamtamasyz etý maqsatynda ázirlengen. Bank klıentteri óz erkimen qurylys salýshyny jáne ashyq daýys berý arqyly turǵyn úı jobasyn tańdaı alýy baǵdarlamanyń biregeıligi bolyp tabylady.
Baǵdarlamaǵa kimder qatysa alady?
Baǵdarlamaǵa «Óz úıim» baǵdarlamasyna qatysýǵa ótinish bergen sátte Banktegi jınaq shotynda turǵyn úı qurylys jınaqtary túrindegi kem degende 500 000 (bes júz myń) teńge mindetti jınaqtary bar Banktiń barlyq salymshylary qatysa alady.
Baǵdarlamanyń erekshelikteri:
-salymshylarǵa Astana jáne Almaty qalalary boıynsha satyp alynǵan jyljymaıtyn múliktiń tirkelgen jeri boıynsha mindetti eki jyldyq tirkeýge baılanysty talaptardyń joqtyǵy;
-turǵyn úı satyp alý kezinde ótinish berýshide jáne onyń otbasy múshelerinde qandaı da bir jeke menshik úıdiń bolmaýy boıynsha talaptardyń joqtyǵy;
-salymshylar qurylys nysanyn tańdaý kezinde daýys berý arqyly tikeleı qatysa alady;
-salymshylar úlestik qatysý tarly shart jasaý arqyly salynǵan jáne salynyp jatqan nysanda bastapqy naryqta jyljymaıtyn múlik satyp ala alady.
Baǵdarlama aıasynda kredıtteý talaptary:
Kredıt boıynsha paıyzdyq mólsherleme zaem túrine jáne ótinish berýshi – qatysýshynyń tólem qabilettiligin anyqtaý sátinde Banktiń jınaq shotynda turǵyn úı qurylys jınaqtary túrindegi jınaqtar deńgeıine baılanysty:
- satyp alynatyn jyljymaıtyn múlik qunynyń 30%-yn jınaǵan jaǵdaıda aldyn ala zaemdar (Bankte bos qarajattar bar bolǵan jaǵdaıda) – 9,5%;
- satyp alynatyn jyljymaıtyn múlik qunynyń 50%-yn jınaǵan jaǵdaıda aralyq zaemdar – 7,5%-dan 8,5%-ǵa deıin.
Turǵyn úı zaemdary eń az degende 3 jyl ishinde 50% jınaqtaǵan jáne satyp alynatyn jyljymaıtyn múlik qunynan joǵary jáne Baǵalaý kórsetkishiniń qajetti mólsherine jetken jaǵdaıda – 3,5%-dan 5%-ǵa deıin.
Kredıtteýdiń merzimderi:
Kredıtteýdiń maksımaldy merzimi 25 jyl, tańdap alynǵan zaem túrine baılanysty.
Osy arqyly Turǵyn úı qurylys jınaq banki jyljymaıtyn múlikti satyp alýdyń birneshe tásilin usynady.
