Qazaq toıyn konsertke aınaldyryp, ánnen shashý etken qazaq estrada ánshileri bir toıda qansha tabys tabady? Shoý bıznes juldyzdarynyń toı bıznestegi dárejesi qandaı? Búginde eń kóp shaqyrtýlarǵa ıe bolyp júrgen qandaı ánshiler? Toı domalaqtardan nápaqasyn taýyp júrgen óner ıeleriniń tizimin comode.kz saıty jarıalaǵan eken, sizdermen bólisýdi jón sanadyq.

1. Qaırat Nurtas. Eńbektegen baladan, eńkeıgen qarıaǵa deıin tyńdaıtyn bul ánshiniń tabys kózi óte joǵary. Qazaq toıynyń suranysyna ıe bolyp júrgen Qaırattyń ánderi maǵynaly, ári kulaqqa tez sińedi. Hıt ánderdi ómirge ákelip, jastardyń talǵamyna saı týyndylardy shyrqap júrgen juldyzdyń bir toı úshin alatyn aqysy ár túrli. Desek te, shamamen 5-7 myń dollar bolady.

2. «Mýzart» toby. Kópshiliktiń kózaıymyna aınalǵan toptardyń biri. Tek qana sapaly dúnıelerdi týdyryp, ulttyq qundylyqtardy ulyqtap júrgen óner ıeleriniń árbir áni yjdaǵattylyqpen tańdalyp, erekshe mán beretini kórinip turady. Mundaı qońyr úndi,  aspaptardyń súıemeldeýimen tiri daýysta án salatyn «Mýzart» tobynyń quny 5 myń dollar.

3. Zattybek Kópbosynulynyń Aq marjanysyz toı ótpeıtini belgili. Toıdyń ánuranyna aınalǵan bul ánniń ómir súrgenine de qansha ma ýaqyt boldy. Jan jaqtan shaqyrtýlar alatyn Zattybektyń týyndylary óte joǵary baǵalanady. Ádemi, Nemerem atty ánderi de eldiń qulaǵynan kete qoıǵan joq. Ánshiniń bir toıdaǵy tabysy 3-5 myń dollar.

4. Asqat Tarǵynov. Sońǵy ýaqytta qazaqtyń toıyna arnalyp jazylǵan «Marıa» ánimen tanylyp úlgergen Asqatty Atyraý, Aqtaý qalalarynyń turǵyndary kóp shaqyrtyp júr. Osy ánimen toıdyń sánin keltirip júrgen óner ıesiniń daýysy da erekshe. Toı bıznesine endi ǵana qosylyp jatqan ánshiniń qalamaqysy 2 myń dollardan bastalady.

5. Aqylbek Jemeneıdiń Qyzyl Órigi de Qazaq jeriniń shet shetin aralap júrgen ánniń biri. Toıda bıdiń shańyn shyǵaratyn toıshyl qazaqtar úshin mundaı týyndylar úlken suranysqa ıe. «Mıllıon qyzdar» degen kóńildi kótere biletin áni de shıraq qımyldap bı bılegenge yńǵaıly. Aqylbektiń eńbekaqysy 2-3 myń dollar.

Neke.kz