Jergilikti İİD qyzmetiniń polısıasy qoǵamdyq kólik júrgizýshisin urǵan jeńil kólik ıesin ustady dep jazady Qamshy.kz aqparat agenttigi.
«Atalmysh oqıǵa kúndiz Almatydaǵy Almaly aımaǵynda oryn alǵan. Bul jaǵdaıdyń bolǵandyǵy týraly áleýmettik jelilerden belgili boldy. Óıtkeni polısıaǵa bul jaǵdaı jóninde eshkim de habarlaspaǵan.
Nátıjesinde izdestirý bóliminiń qyzmetkerleri jeńil kóliktiń júrgizýshisi 1985 jyly týǵan Ábdinazarov E., degen azamatty ustap, jaýapkershilikke tartty. Onyń kórsetken minez-qulqynda bir emes birneshe zań buzýshylyqtar baıqalǵan.
Osyǵan oraı, oǵan qatysty QR ÁQBtK 601 baby boıynsha, jol belgileri men tańbalardy elemegeni úshin, qoǵamdyq kólikke arnalǵan jolaqta durys qozǵalmaǵany úshin, QR ÁQBtK 606 baby boıynsha apattyq jaǵdaı ornatqany úshin jáne QR ÁQBtK 612 babynyń 2 tarmaǵy boıynsha kólikti qujatsyz júrgizgeni úshin aıyptaldy. Belgili bolǵandaı, Ábdinazarov myrza 2017 jyldyń mamyr aıynda kólik júrgizý kýáliginen 9 aıǵa aıyrylǵan», dep málimdedi Almaty İİD resmı ókili, polısıa podpolkovnıgi Saltanat Ázirbek.
Jergilikti polısıa qyzmeti Ábdinazarovtyń buzaqylyq jasaǵanyn dáleldeıtin materıaldar jınaǵan.
Saltanat Ázirbektiń aıtýynsha, buzaqy jasaǵan ereje buzýshylyqtary úshin 10 AEK nemese 10 táýlik bas bostandyǵynan aıyrylý jazasy kesilýi múmkin.
