Qazaqstan Prezıdenti Nursultan Nazarbaev Aqtóbe oblysynda jolaýshylar avtobýsynyń órtenýi saldarynan Ózbekstan azamattarynyń qaıǵyly qazaǵa ushyraýyna baılanysty kóńil aıtty, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasaı otyryp.

«Orny tolmas qaıǵyǵa ortaqtastyǵymdy bildire otyryp, Qazaqstan halqynyń jáne jeke ózimniń atymnan qaza bolǵandardyń týystary men jaqyndaryna qoldaýym men nıettestigimdi jetkizýińizdi suraımyn. Zardap shekkenderdiń tezirek saýyǵyp, otbasylaryna oralýyna tilektespin» delingen jedelhatta. Sonymen qatar, Memleket basshysynyń tapsyrmasy boıynsha oqıǵanyń mán-jaıy men sebepterin anyqtaý úshin Úkimettik komısıa quryldy.

Eske sala ketsek, Samara-SHymkent tasjolynda avtobýs órtenip, 52 adam qaza bolǵany týraly habarlaǵanbyz. Órtenip ketken avtobýs tehnıkalyq tekseristen ótpegeni belgili boldy.