Aqtóbe oblysynda 52 adam tirideı janyp ketken avtobýs jaıly jańa derekter shyqty, - dep habarlaıdy Qamshy.kz aqparat agenttigi Tengrinews.kz portalyna silteme jasap.
Ońtústik Qazaqstan oblysy Jibek joly aýyly mańynda ornalasqan kólik bazasyndaǵylar avtobýs ıesiniń jolaýshylardy óz betinshe tasymaldap júrgenin aıtty.
"Biz jolaýshylar tasymalymen aınalyspaımyz jáne jolaýshylar úshin jaýap bermeımiz. Avtobýs ıesi munymen ózi aınalysty. Júrgizýshide jolaýshylardy tasymaldaýǵa ruqsat beretin lısenzıa bolmaǵan. Avtobýs bizge bos kúıde keldi. Júrgizýshilerdi dárigerler tekserip shyqty, al mehanık kólikti qarap shyqty. Mehanık avtobýstyń qujattaryn emes, onyń tehnkıalyq jaǵdaıyn tekseredi. Tehnıkalyq qujattardy polıseıler men tasymaldaýshynyń ózi tekserip shyǵýy kerek. Bul jaǵdaıda muny avtobýs ıesi isteý kerek edi", - dedi kólik bazasyndaǵylar.
Osyǵan deıin İİM ókilderi 52 adam mert bolǵan avtobýstaǵy órttiń sebebin aıtqan edi. Aldyn ala nusqa - avtobýs salonynda bolǵan benzınnen sharpyǵan jalyn. Bul nusqany júrgizýshiler men jolaýshylar aıtyp otyr.
Aıta keteıik, tótenshe jaǵdaıdan qaza bolǵandardyń TİZİMİ Ózbekstannyń Tótenshe jaǵdaılar mınıstrliginiń saıtynda jarıalandy. Aldyn ala jasalǵan tizimde 29 adam bar. İİD ókilderi 52 jolaýshynyń avtobýs esigin asha almaǵanyn habarlaǵan edi.
Vedomstvo málimetinshe, avtobýstyń esigi buǵattalyp qalǵan. Sondyqtan jolaýshylar avtobýstan shyǵa almaı qalǵan. Sondaı-aq, avtobýstyń órtený deregi boıynsha qylmystyq is qozǵalǵany habarlanǵan edi. Aqtóbe oblysynyń TJD baspasóz qyzmetiniń málimetinshe, órtke qysqa tuıyqtalý sebep bolǵan.
"Bastapqy aldyn ala nusqa - qysqa tuıyqtalý. Qazir bul nusqa da ózgelermen qatar tekserilip jatyr", - degen edi Aqtóbe oblysynyń TJD baspasóz qyzmetiniń ókilderi.
Eske salaıyq, osyǵan deıin Aqtóbede avtobýs órtenip, 52 adamnyń qaza tapqany jaıly habarlanǵan bolatyn. Ikarus markaly avtobýstyń 18 qańtarda saǵat 10:30-da Aqtóbe oblysy Yrǵyz aýdanynda Samara - Shymkent tasjolynyń 1068 shaqyrymynda, Qalybaı aýylynan 10 shaqyrym jerde órtengeni aıtylǵan edi. Avtobýstyń ishinde 55 jolaýshy jáne eki júrgizýshi bolǵan. Onyń beseýi avtobýstan shyǵyp úlgergen. Keıin oqıǵa ornynan túsirilgen vıdeo men fotosýretter jarıalandy.
