Sot Almaty bazarlarynyń birine Jambyl oblysynyń Shý aýdanynan 105 keliden asatyn marıhýana ákelmek bolǵan azamatqa qatysty úkim shyǵardy. Bul týraly Almaty oblystyq sotynyń saıty jazdy.
Jol polısıasy qyzmetkerleri Shý-Astana tas jolynda jalpy salmaǵy 105 keli 720 gram bolatyn keptirilgen marıhýanany Almaty bazarlarynyń birine 100 myń teńgege jetkizip bermek bolǵan Shý aýdanynyń turǵynyn ustaǵan. Almaty oblysynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy asa iri kólemde esirtkini zańsyz ıemdengeni, tasymaldaǵany, jáne saqtaǵany úshin kináli dep tanylyp, dúnıe -múlkin tárkileýmen qatar, 12 jylǵa bas bostandyǵynan aıyrý jazasy taǵaıyndaldy. Úkim áli kúshine engen joq.
