Buryndary qylmystyq jaýapqa tartylǵan 50 jastaǵy Almaty oblysynyń K., esimdi turǵyny túzelýdiń ornyna kezekti bir zań buzýshylyqtyń kúdiktisi atandy. Alaıaqtyq jasap, ańǵal azamattardyń senimin paıdalanyp, iri kólemdegi aqshany ıemdenip ketken, dep jazady Qamshy.kz aqparat agenttigi. 

«Bul joly K. sottyń aldyna alaıaqtyq áreketi úshin barmaq. Sheneýnikterdiń arasynda tanystary bar ekendigin aıtyp, adamdarǵa zańdy, azamattyq jáne qylmystyq máselelerdi sheship bere alatyndyǵyn aıtqan. Biraq, eshqandaı da qyzmet kórsetpegen. Ózine habarlasqan áıeldiń talas týdyrǵan suraǵyn sheship berý úshin 17 myń dollar talap etken. Aqshany alyp, ýádesin oryndamaǵan aılakerdiń ústinen QR qylmystyq kodeksiniń 190 baby, 4 tarmaǵyna sáıkes is qozǵaldy»,-dedi Medeý İİD polısıa maıory Bolat Totybaev.