Ál-Farabı atyndaǵy Qazaq Ulttyq Ýnıversıteti, Jýrnalısıka fakúlteti «Baspasóz jáne elektrondy BAQ» kafedrasynyń uıymdastyrýymen 2015 jyly 25-naýryzynda qazaq handyǵynyń 550 jyldyǵyna oraı stýdentter arasynda «Biz janbasaq lapyldap...» atty respýblıkalyq jas aqyndar múshaırasy ótedi.

Músháıranyń maqsaty: Óskeleń jas urpaqtyń boıyndaǵy patrıotızm ushqynyn jalyndatyp, ultjandy azamat egemen eldiń erteńi ekenin sezindirý. Stýdent kezdegi jastyq jalynyna oranǵan jigerli jyrlardy, tumsa bulaqtaı móldir óleńderdi nasıhattaý. Aqyndardy yntalandyrý.

Músháıraǵa aqyndar mynadaı úsh taqyryptaǵy óleńderin joldaıdy: 1.Qazaq handyǵyna – 550 jyl (Qazaq jurtynyń 1465 jyldan búginge deıingi qaıǵysy men qýanyshy, erteńgi bolashaǵy stýdentter kózimen.) 2. Stýdenttik ómir 3. Erkin taqyryp. Múshaıranyń júldesi: Bas júlde (bireý) Birinshi oryn (bireý) Ekinshi oryn (ekeý) Úshinshi oryn (úsheý) Arnaıy júlde (beseý)

Músháıraǵa qatysýshy talapker osy úsh taqyrypqa arnalǵan óleńderin 2015 jyldyń 10 naýryzyna deıin jiberý tıis. Qosymsha baılanys telefony, sýretin salýy mindetti. Múshaıraǵa buryn jarıalanbaǵan óleńder ǵana qabyldanady. Shyǵarma kólemi A4 formatynda 5 betten aspaǵany jón. Sharttary túgel oryndalmaǵan, merziminen keshikken shyǵarmalar qatystyrylmaıdy. Jeńimpaz aqyndardyń jyrlary jeke jınaq bolyp jáne fakúltettiń «Jýrnalıs» gazetine jarıalanady. Jeńimpazdardy qara qyldy qaq jaratyn qazylar alqasy anyqtaıdy.

Shyǵarmalar myna el.poshtaǵa joldanýy tıis: jurkaznu.kz@mail.ru Uıymdastyrýshy: QazUÝ jýrnalısıka fakúlteti baspasóz jáne elektrondy BAQ kafedrasy

Álimjanova Áıgerim, jýrnalısıka fakúltetiniń oqytýshysy