Búgin Shymkent qalasynyń ákimi Nurlan Saýranbaev taǵy da sózinen jańyldy dep jazady Qamshy.kz aqparat agenttigi rgmedia.kz saıtyna silteme jasaı otyryp. Búgin Shymkent qalasy Qarataý aýdanynyń ákimi Ǵabıt Máýlenqulov halyq aldynda úshinshi ret esep berdi. Bul qorytyndy esep berý kezdesýine qala ákimi Nurlan Saýranbaev arnaıy qatysty.

Ǵabıt Patshahanuly 15 mınýttyq baıandamasyn 100 paıyz memlekettik tilde jasady. Aýdan ákimi ótken jyly atqarylǵan jumystardy jiliktep, aldaǵy ýaqyttaǵy josparlarymen bólisti. Kezdesý kezinde Nurlan Saýranbaev memlekettik tilde sóılegisi kelse de, oryssha sózdi aralastyryp jıyndy qorytyndylady. Halyqtan kóp sóz estigennen keıin Nurlan Saýranbaev keshegiden táýirleý sóıledi. 

Jıyn sońynda qala ákimi Nurlan Saýranbaev:

– Sizderdiń aldaryńyzda Elbasy tapsyrmasy boıynsha aýdan ákimi búgin óz esep baıandamasyn jasady. Meniń oıymsha, negizi kóp jumys jasaldy. Biraq jańaǵy kóbisi aıtyp jatqandaı aldymyzda kóp jumys bar. Oǵan endi tek qana qarajat kerek ı sodan keıin birlik kerek. Osy jerde kóbisi otyrǵandar – Asar turǵyndary. Asar dep oılaǵanda eske keletin sózder ol – birlik, aýyldas, rýlas degen… Osylaı birlesip jumystyń bárin atqaraıyq. Rahmet sizderge! – dep oıyn memlekettik tilde qorytyndylady.

Eske sala ketetin bolsaq, Nurlan Saýranbaev oryssha sóılemegini úshin aýyl ákimi Baýyrjan Ahmetáliulyna eskertý jasaǵan bolatyn.