«Strategıa» áleýmettik jáne saıası zertteýler ortalyǵy 2017 jyldyń 4 toqsany boıynsha shendi-shekpendilerdiń reıtıńisin (úlgerimin dep uǵyńyz) jarıalady. Jyldyń alǵashqy toqsanynda top bastaǵan UQK tóraǵasy K.Másimov sol arynymen áli de aldyna qara shyǵarmaı kele jatqanǵa uqsaıdy. Sarapshylardyń oǵan bergen baǵasy – +5. Qyzyq bolǵanda, Bilim jáne ǵylym mınıstri kóshtiń sońynda qalǵan. Onyń úlgerim deńgeıi – 2.
Úzdik tórttik
Sarapshylar saıası elıtany elekten ótkizgende abyroı-bedeli men jumys tıimdiligin jáne keleshegin esepke alǵan. Osy úsh qyrynan qaraǵanda da Kárim Másimovtiń saıası beınesi 5 degen baǵadan asyp tur. Bedeli – 5,79, tıimdiligi – 5,27, keleshegi – 5,81. Árıne, qarapaıym halyq úshin K.Másimovtyń asyp-tógilip jatqan abyroı-bedeli bar dep aıta almaımyz. Onyń saıası karerasyndaǵy el-jurtpen etene jumys isteıtin jáne kópshiliktiń aldynda ózin tanytatyn qyzmeti – Úkimet basqarǵan kezeńderi bolsa kerek. Biraq Kárim myrza bul qyzmetke eki márte kelse de, «til syndyrmaǵan» kúıi ketti. Memlekettik tilde ashylyp bir aýyz sóz aıtpaǵan Úkimet basshysy jurttyń júreginen oryn alady degenge sený qıyndaý. Alaıda muny oraıy kelgen soń ǵana aıtyp otyrmyz. Reıtıń túzgen sarapshylar úshin munyń biri de esepke alynbaıdy. Olarǵa 2017 jyldyń 4 toqsanynda kimniń ne bitirgeni mańyzdy. Sonymen Másimov ne bitirdi? Ol 2016 jyldan beri UQK tóraǵasy. Bul qyzmettiń jurtqa jumbaq yqpyl-jyqpyly kóp. Onyń bári kópke jarıa bola bermeıdi. Sondyqtan tyndyrsa, tyndyryp ta jatqan shyǵar. Áıteýir K.Másimovtiń UQK-ǵa kelgeli beri aty ozyp júr. Osyndaıda eske túsedi, ilgeride UQK-niń burynǵy tóraǵasy Nurtaı Ábiqaev ta ylǵı aldyńǵy lekten túspeıtin. Soǵan qarasańyz, Qazaqstanda UQK-ǵa bas bolýdan artyq abyroı-bedel joq-aý degen oıǵa eriksiz tirelesiz.
Kárim Másimovten keıin kileń bestikke ıe bolǵan shendińiz – Ahmetjan Esimov. Degenmen Másimov pen Esimovtiń arasyna Ádilbek Jaqsybekov qystyrylypty. Onyń bir 4-i bar. Áıtse de, jalpy esep boıynsha Prezıdent ákimshiliginiń jetekshisi 5,32 balmen 5,27 bal jıǵan «Samuryq-Qazyna» Ulttyq ál-aýqat qory» AQ tóraǵasynyń aldyna shyqqan.
Á.Jaqsybekovtiń aqsaǵan tusy – tıimdilik. Degenmen keleshegi boıynsha Esimovten kósh boıy ozyq tur. Endi muny nemen túsindirýge bolady? 2017 jyly prezıdent ókimimen Á.Jaqsybekovtiń bul qyzmettegi ókilettigi 2022 jylǵa deıin sozyldy. Prezıdent ákimshiligine jetekshilik etý degenniń ne ekenin ekiniń biri biledi qazir. Demek Á.Jaqsybekovtiń ekinshi bolyp turýǵa ábden quqy bar.
A.Esimov Almatydan «aırylyp» qalǵanymen qyzmeti tómendegen joq. T.Ermegıaev isti bolǵan soń, Elbasy «EKSPO-nyń» júgin Esimovtiń ıyǵyna artqan. Kórme bılikti kúlkige qaldyrmaı tynysh ótti. «Samuryq-Qazynaǵa» bas bolý da ońaı-ospaq qyzmet emes. Sarapshylar osy jaǵyn da eskerdi me dep oılaımyz.
Úzdikter sanyn úshpen tujyrmaı, tórtke tireýimizdiń de óz sebebi bar. Óıtkeni bul orynda Qazaqstannyń Reseıdegi elshisi Imanǵalı Tasmaǵambetov tur. Abyroı-bedel atalymy boıynsha jıǵan baly 5-ten joǵary. Tıimdiligi de 5-tiń ústine shyqqan. Eger bedeldiń deıgeıin qarapaıym halyqtyń kózimen anyqtaıtyn bolsa, jumysy tastaı Tasmaǵambetov birinshilikti bermeı kele jatqan Másimovti bes orap keteri anyq. Degenmen mynaýy da jaman emes. Tek ony tómendetip jibergen – keleshegi. Ótken jylǵy apaı-topaı aýys-túıister kezinde Úkimet basshysynyń orynbasary bolyp júrgen I.Tasmaǵambetov Máskeýden bir-aq shyqqan. Muny árkim ártúrli baǵalady. Elshi bolyp ketý – úlken saıasatta oıynnan tys qalǵanmen teń. Sondyqtan sarapshylardyń baılamyna kelispeske amalyńyz joq.
Qoıý shańnyń ishinde
Aldyna Qazaqstannyń Reseıdegi elshisin ozdyryp alǵany bolmasa, “Atameken” Ulttyq kásipkerler palatasynyń jetekshisi, prezıdenttiń kúıeýbalasy Tımýr Qulybaev áli de babynda sekildi. 2017 jyldyń 1-toqsanynyń qorytyndysy boıynsha ol úshinshi bolyp turǵan edi. Odan keıingi oryn Astana ákimi men Májilistiń tóraǵasyna buıyrypty. Áset Isekeshev pen Nurlan Nyǵmatýllınniń jıǵan baldarynyń jıyntyǵy – 4,88. Iaǵnı, ekeýi úzeńgi qaǵysyp, qatar tur.
Al kimder tómendegen? Jyl basynda 6-ynshy bolyp turǵan Úkimet basshysy B.Saǵyntaev 13- satyǵa bir-aq quldılaǵan. 9-10 oryndarda Q.Qojamjarovpen qatar turǵan D.Nazarbaeva endi 17-18 oryndardy A.Bısembaevpen bólisýge májbúr bopty. Q.Toqaev quddy 8-oryndy menshiktep alǵan sekildi, alǵashqy kezeńdegi ornynan jyljymaǵan. Alǵa basqandardyń qatarynda 13-satydan 10-11-ǵa sekirgen J.Asanov, bir qadam alǵa júrgen A.Mamın men B.Baıbek, 25-ten 12-ge bir-aq ytqyǵan Ó.Shúkeev bar.
Kósh sońynda
Ortasha baly 4-ke ilikpeı qalǵandardyń tizimin İshki ister mınıstri Q.Qasymov bastapty. Bul endi sońǵy kezderi tártip saqshylarynyń atyna jıi syn aıtyla bastaýymen baılanysty bolar dep topshylaımyz. Odan keıingi oryndardy B.Sultanov pen K.Ábdirahmanov ózara bólisken. Jyl basynda 4 alǵandar qatarynda bolǵan Q.Bozymbaev bıylǵy janarmaıdyń myń qubylǵan baǵasy áser etti me, 26-27 orynǵa túsip ketipti. D.Abaev pen M.Qul-Muhammedti, Q.Kelimbetov pen B.Imashevti úlgerimi úshke baǵalanǵandardyń jýan ortasynan tabasyz. Alǵashqy toqsanda jurttyń sońynda qalǵan A.Muhamedıuly áýpirimdep júrip, úsh adamnyń aldyna shyǵypty. Ortasha baly – 3,31. Sońynan sanaǵanda ekinshi orynǵa T.Dúısenova jaıǵasqan. Eńbek jáne halyqty áleýmettik qorǵaý mınıstri keıingi kezde jýrnalıserden jıi «taıaq jep» júr. Sarapshylar muny da eskergen syńaıly. Qysqasy, K.Másimovten bastalǵan tizimniń sońyn Bilim jáne ǵylym mınıstri E.Saǵadıev túıindeıdi. Onyń jıyp-tergen ortasha baly – 2,97.
Sansyzbaı Nurbaba
Tablısa 1. Reıtıń ýpravlencheskoı elıty za 4 kvartal 2017 goda(osenka proızvodıtsá po 7-ballnoı shkale, gde 0– otsýtstvıe harakterıstıkı, a 7 – samyı vysokıı pokazatel. Dlá reıtıńa ıspolzýetsá srednearıfmetıcheskıı pokazatel ekspertnyh osenok).
| № | FIO | ıtog | avtorıtetnost | effektıvnost | perspektıvnost |
| 1. | Masımov K.K. | 5,62 | 5,79 | 5,27 | 5,81 |
| 2. | Djaksybekov A.R. | 5,32 | 5,54 | 4,92 | 5,50 |
| 3. | Esımov A.S. | 5,27 | 5,58 | 5,08 | 5,15 |
| 4. | Tasmagambetov I. | 5,02 | 5,27 | 5,28 | 4,50 |
| 5. | Kýlıbaev T.A. | 4,90 | 5,13 | 4,54 | 5,02 |
| 6-7. | Isekeshev A.O. | 4,88 | 4,88 | 4,64 | 5,12 |
| 6-7. | Nıgmatýlın N.Z. | 4,88 | 5,04 | 4,88 | 4,73 |
| 8. | Tokaev K.K. | 4,85 | 4,96 | 4,65 | 4,92 |
| 9. | Kojamjarov K.P. | 4,82 | 4,88 | 4,69 | 4,88 |
| 10-11. | Asanov J.K. | 4,69 | 4,58 | 4,72 | 4,77 |
| 10-11. | Mamın A.Ý. | 4,69 | 4,58 | 4,69 | 4,81 |
| 12. | Shýkeev Ý.E. | 4,63 | 4,96 | 4,44 | 4,50 |
| 13. | Sagıntaev B.A. | 4,59 | 4,96 | 4,27 | 4,54 |
| 14. | Baıbek B.K. | 4,56 | 4,23 | 4,31 | 5,15 |
| 15. | Shpekbaev A.J. | 4,55 | 4,31 | 4,73 | 4,62 |
| 16. | Kasymbekov M.B. | 4,47 | 4,88 | 4,68 | 3,84 |
| 17-18. | Bısembaev A.A. | 4,46 | 4,29 | 4,58 | 4,50 |
| 17-18 | Nazarbaeva D.N. | 4,46 | 4,85 | 3,88 | 4,65 |
| 19. | Dosaev E.A. | 4,22 | 4,13 | 4,19 | 4,35 |
| 20. | Jýmakanov V.Z. | 4,19 | 4,08 | 4,50 | 4,00 |
| 21. | Jýmagalıev A.K. | 4,07 | 3,92 | 4,08 | 4,20 |
| 22. | Kasymov K.N. | 3,99 | 4,35 | 4,08 | 3,54 |
| 23. | Sýltanov B.T. | 3,92 | 3,96 | 3,88 | 3,92 |
| 24. | Abdrahmanov K.K. | 3,90 | 3,73 | 4,12 | 3,85 |
| 25. | Mamı K.A. | 3,84 | 4,36 | 3,64 | 3,52 |
| 26-27. | Baıjanov G.J. | 3,82 | 3,85 | 3,90 | 3,70 |
| 26-27. | Bozýmbaev K.A. | 3,82 | 3,92 | 3,58 | 3,96 |
| 28. | Jasýzakov S.A. | 3,80 | 3,88 | 3,96 | 3,56 |
| 29. | Kýl-Mýhammed M. | 3,77 | 3,92 | 3,72 | 3,68 |
| 30. | Abaev D.A. | 3,74 | 3,38 | 3,81 | 4,04 |
| 31. | Kasymbek J.M. | 3,73 | 3,58 | 3,69 | 3,92 |
| 32. | Kelımbetov K.N. | 3,72 | 3,81 | 3,58 | 3,77 |
| 33. | Mynbaev S.M. | 3,71 | 3,88 | 3,69 | 3,54 |
| 34. | Ermekbaev N.B. | 3,68 | 3,69 | 3,69 | 3,65 |
| 35. | Imashev B.M. | 3,61 | 3,63 | 3,65 | 3,54 |
| 36. | Sýleımenov T.M. | 3,54 | 3,50 | 3,46 | 3,65 |
| 37. | Akıshev D.T. | 3,49 | 3,42 | 3,58 | 3,46 |
| 38. | Atamkýlov B.B. | 3,43 | 3,42 | 3,63 | 3,25 |
| 39-40. | Beketaev M.B. | 3,41 | 3,23 | 3,58 | 3,42 |
| 39-40. | Bırtanov E.A. | 3,41 | 3,42 | 3,54 | 3,27 |
| 41. | Abdıbekov N.K. | 3,35 | 3,24 | 3,44 | 3,38 |
| 42-43. | Aldabergenov N.Sh. | 3,31 | 3,23 | 3,38 | 3,33 |
| 43-43. | Mýhamedıýly A. | 3,31 | 3,27 | 3,38 | 3,27 |
| 44. | Abdykalıkova G.N. | 3,27 | 3,27 | 3,23 | 3,31 |
| 45. | Dýısenova T.K. | 3,19 | 3,12 | 3,35 | 3,12 |
| 46. | Sagadıev E.K. | 2,97 | 3,15 | 2,92 | 2,85 |
Prımechanıe. V oprose, provodımom OF «SSPI «Strategıa», prınálı ýchastıe 27 ekspertov – polıtologı, polıtıcheskıe obozrevatelı ı jýrnalısy, analıtıkı, bıznesmeny ı obshestvennye deıatelı.
Tablısa 2. Top-10 ýpravlencheskoı elıty za 1-4 kvartal 2017 goda
| № | FIO | 4 kvartal | 3 kvartal | 2 kvartal | 1 kvartal |
| 1. | Masımov K.K. | 5,62 | 5,19 (1) | 5,43 (1) | 5,19 (1) |
| 2. | Djaksybekov A.R. | 5,32 | 5,09 (2) | 5,08 (2) | 4,95 (3) |
| 3. | Esımov A.S. | 5,27 | 4,91 (3) | 4,49 (8) | 4,51 (14) |
| 4. | Tasmagambetov I.N. | 5,02 | 4,65 (4) | 4,81 (3) | 4,77 (5) |
| 5. | Kýlıbaev T.A. | 4,9 | 4,87 (5) | 4,57 (7) | 4,80 (4) |
| 6. | Nıgmatýlın N.Z. | 4,88 | 4,72 (6) | 4,79 (4) | 4,64 (7) |
| 7. | Isekeshev A.O. | 4,88 | 4,46 (7) | 4,49 (9) | 4,46 (17) |
| 8. | Tokaev K.K. | 4,85 | 4,77 (8) | 4,43 (12) | 4,59 (8) |
| 9. | Kojamjarov K.P. | 4,82 | 4,56 (9) | 4,49 (10) | 4,57 (9-10) |
| 10. | Asanov J.K. | 4,69 | 4,47 (10) | 4,24 (16) | 4,52 (13) |
Pikir qaldyrý