Soltústik Qazaqstan oblystyq qylmystyq ister boıynsha mamandandyrylǵan aýdanaralyq sotynda tanysyn óltirip, denesin bólshektegen Petropavl turǵynyna úkim shyǵaryldy, dep Qamshy.kz aqparat agenttigi «QazAqparatqa» silteme jasap jazady. 

İs materıaldary boıynsha, byltyr shildede petropavldyq M.Makentaev óziniń páterinde tanysymen birge ishimdik ishedi. Olardyń arasynda janjal shyǵady. Makentaev pyshaqpen qonaqtyń basy men moınynan jaraqattaıdy.

«Qylmysyn jasyrý maqsatynda M.Makentaev 28-29 shilde aralyǵynda qol aramen máıitti bólshektep, olardy polımerlik paketterge salady. 2017 jyldyń 30 shildesinde ony páterden alyp shyǵyp, ormanǵa aparyp tastaıdy», - delingen is materıaldarynda. M. Makentaev 10 jylǵa bas bostandyǵynan aıyrylyp, jazasyn qatań rejimdegi túrmede jazasyn óteıdi. Zardap shegýshi tarapqa moraldyq shyǵyny retinde 2 mln teńge óndirildi.