«Astana Taxi» biregeı qyzmeti «Qaıyrymdy sapar» áleýmettik aksıasyn bastady jáne jolaýshylardy tegin tasymaldaý úshin 11 avtokólik usynbaq, dep habarlaıdy Qamshy.kz aqparat agenttigi Astana ákimdiginiń resmı saıtyna silteme jasaı otyryp. 

Jolaýshylarǵa taksomotor kompanıasynyń esebinen qyzmet kórsetiledi. 

«Aksıa elorda turǵyndary men qonaqtaryna arnalǵan. Júrgizýshiler qalany aralap, toqtap, tegin jetkizip tastaýdy ózderi usynady. Aksıa barysynda balasy bar jolaýshylar men jasy úlken adamdarǵa artyqshylyq beriledi», - delingen «Astana Taxi» baspasóz qyzmetiniń habarlamasynda. 

Aksıa 24-25 qańtar aralyǵynda saǵat 8.00-den 19.00-ge deıin jalǵasady. İs-sharaǵa alty taksomotor kompanıasy qatysady. 

«Aksıamyzǵa barlyq kásipkerler men bıznes-qaýymdastyqtardy osyndaı qıyn kezeńde qalys qalmaýǵa shaqyramyz», – deıdi taksı qyzmeti.